Page 14 - Kelas XII.indb

Palajahan 2 Tata Cara Nyurat Dharma Wacana

Pidabdab 1 Ngwangun Pangresep

Wusan miragiang dharma wacana sané mamurda Subakti Ring Guru punika alit-alité patut
uning ring tata cara ngwangun téks dharma wacana. Duwaning sapunika ngiring uratiang pitakéné
puniki:
1. Sapunapi pepalihan wangun Dharma wacana punika?
2. Napi daging pepalihan punika?
3. Sapunapi carané nyurat Dharma wacana ?

Pidabdab 2 NgwacénTata Cara Nyurat Dharma Wacana
Disampuné alit-alité ngwikanin indik daging miwah tatujon madharma wacana, ngiring
mangkin uratiang bebaosanné ring sor, mangdadané alit-alité taler resep ring sapunapi carané
ngwagun téks Dharma wacana. Dwaning sapunika, uratiang miwah pikayunin sapariindik sané
kabaosang ring sor

Ngwangun Naskah Dharma Wacana

Ring arepan kantin sekolahé Mang Santi sareng Luh Sastrani kacingak seken pisan mabe-
baosan, raris katakénin olih Putu Oka sané liwat lakar ngamulihang.

Putu Oka : ”Tusing mulih Luh, seken sajan rasané ngorta ajak dadua?”
Luh Sastrani : ”Mulih..., Mai endén malu Tu !”
Putu Oka : ”Ada apa né sarat pesan ?”
Luh Sastrani : ”Putu maan pilihan lomba ?”
Putu Oka : ”Maan. Tiang piliha mageguritan, kala sing man ngalih pasangan ”.
Mang Santi : ”Péh, aluuuh tinggal ngapalang dogén”.
Putu Oka : ”Apa aluh, dadi apalang dogén, men agemné, tata carané masanin,konden bin
ngwiletné, sing perlu masih palajahin ?”.
Mang Santi : ”Né Luh Sastrani, piliha madharma wacana, tiang tagihina naskah. Putu ngelah
naskah Dharma wacana Tu ? Baang ja ia ngidih éngkén ja !”
Luh Sastrani : “Sajan Tu, ngelah naskah baang ja tiang nyilih. Tiang tusing bisa ngaé”.
Putu Oka : ”Péh Iluh, yan moné dueg iluhé ngomong, masak ngaé naskah amonto dogén
ngomong, masak ngaé naskah amonto dogén é naskah amonto dogén é
tuara bisa. Suba baanga téma ?”
Luh Sastrani : ”Suba, sakéwala tiang tusing bisa”.
Putu Oka : ”Begbeg ngoraang tusing bisa”.
Mang Santi : ”Sing ia bisa Tu. Apa dogén isin
dharma wacanané Tu ?”
Putu Oka : “Komang sing ngelah buku tékn-
ik-téknik madharma wacana ?”
Mang Santi : “Pidan ngelah ja, jani dija kadén ia”.
Luh Sastrani : ”Eda ja buin ngalih buku. Mai ja
negak malu, baang tiang bayangan
bedik. Kénkén runtutan isin dharma
wacanané, apang énggalan tiang nyi- https://www.pexels.com/photo/people-coffee-meeting-team-7096/
daang ngaé”

UDIANA SASTRA Dharma Wacana 7