Page 15 - Kelas XII.indb

Sareng tiga raris negak ring téras sekolahé. Putu Oka raris nlatarang.
Putu Oka : “Di naskahé paling malu katulis murda, yan nyidayang murdané apang masifat
menuntun ”.
Luh Sastrani : “Yan murdané suba kapinéh baan tiang. Yan di pamahbahné apa dogén isiné ?”
Putu Oka : “O.., ditu biasané misi salam hormat ring sang sané kairing madharma wacana,
ngawit uli kadudukané tegehan nganteg ka timpal-timpal ané bareng ajak madhar-
ma wacana, astiti ring Ida Sang Hyang Widi, ditu orahang masi murdan madhar-
ma wacanané
Luh Satrini : “Dadi pejangin paribasa ditu Tu ?”
Putu Oka : “Dadi, biasané ditu misi rasa ngéndépang raga, upaminé ada anak ngisinin sakadi,
“Titiang puniki tan bina sakadi i kunang-kunang anarung sasi, milu-milu tuung
ngamiletin dharma wacana puniki”.
Luh Satrini : “Di bagian pamaparané kénkén Tu ?”
Putu Oka : “Pamaparané apang jelas nyen, apang misi pertimbangan muah pembuktian,
apang anak ané ningehang santep buina percaya tekén isin dharma wacanané !”
Luh Satrini : “Di penguntatné beneh misi saran-saran pada ditu Tu ?”
Putu Oka : “Beneh, lénan tekén kacutetang madharma wacanané, isinin masih saran muah
nunas pangampura ring ida danéné sané miarsayang !”
Mang Santi : “Aget Luh matemu ngajak Putu Oka, tiang takonina tekén i luh tunian nanging
tiang tusing nawang”.
Luh Satrani : “Putu yan sagét tiang tusing nyidayang, tiang matakon kema nah!”
Putu Oka : “Nah, bél dogén tiang malu. O... bapak tiangé suba teka nyemput, tiang maluan
nah !“
Luh Sastrani : “Nah Tu...“
Luh Sastrani sareng Nyoman Santi sareng mabancutan raris budal.

Pidabdab 3. Kerta Basa

Wusan ngwacén miwah ngaresepang pabligbagan para sisyané ring ajeng indik tata carané
madharma wacana ngiring rereh napi wirasan krunané puniki !

No Kruna Artinipun
1 ngorta

2 kacutetang

3 di penguntatné

4 ngamiletin

5 kunang-kunang anarung sasi

6 ngéndépang raga

7 sarat pesan

8 agemné

9 masanin

10 santep

8 Dharma Wacana UDIANA SASTRA