Page 35 - Kelas XII.indb
P. 35
Palajahan 1 Kruna Wilangan
Pidabdab 1 Ngwangun Pangresep
Kruna wilangan punika wantah kruna sané kaanggén ngwilangin utawi nyihnayang
pawilangan. Mangdané uning ring paindikan kruna wilangan , indayang uratiang pitakéné puniki :
1. Napi sané kawastanin kruna wilangan ?
2. Ritatkala sapunapi anaké nganggé kruna wilangan?
3. Indik napi manten sané dados kawilangin?
Pidabdab 2 Ngwacén Téks Wacana Kruna Wilangan
Sadurung maosang pangresep indik kruna wilangan ngiring wacén wacanané puniki !
Matanding
Tumbén teka uli masuk Luh Sukma masemu gi-
rang,ngojog ke baléné daja ngejang tas duur korsiné,
ngrengkeng magending sambilanga ngelésang
sepatuné. Disubané maganti baju ia nyagjagin
dadongné ané sedek majekaitan di banjah paoné. trunajayadharmautama.blogspot.com
matakon dadongné “adi dini negak Luh sing madaar
mali” , “ sing dong yang be meli tipat cantok busan
di kantin sekolahé” keto pesautné luh Sukma.
“Akuda bekelina dadi maan meli tipat?” Tuni mémé
ngemaang siu rupiah, sisané ibi buin satak,dadiné
tiang mabekel nembangsit. Suba kéto meli tipat
aungkus aji limangatus seket,minuman abotol aji satus, roti dadua aji satus, tekén biu bin abu;ih
aji seket rupiah. OOOh kéto dadongné anggut-anggut nyautin. Iluh mablanja dogén gaené sing
seleg malajah sinah mani sing lakar naik kelas. Ah dadong sing percaya tekén cucu, tuni tiang
ulangan mapetekan uli besik kanti satus, ngitung tambah, kurang, bagi, dadiné tiang maan ulangan
aji sia. timpal tiangé ulangan maan aji dua, papat, lima, sing ada maan ji pitu.
Dong dadi majaitan ?. Yééé.. kadén oton iluhé jani. nah men keto yang milu matanding. kuda
ngai tipat ?. ngai duang kélan . Daksina dadua, tumpeng papitu,baas jemak atengan prepatan,
biu aijas, tebuné alih akatih da buka lingseh teteka. sematé jemak apesel, croringé arencé, Béh liu
pesan isin bantené kéto Luh Sukma makaengan .
Pidabdab 3 Kerta Basa
Risampuné wusan ngwacé wacana punika ngiring rereh wirasan krunané ring sor puniki!
Kruna wilangan Wastan sorohnyané
tuni imémé ngemaang tiang siu rupiah,
dadiné tiang mabekel nembangsit
ngai tipat duang kélan
28 Tata Basa Bali UDIANA SASTRA
