Page 39 - Kelas XII.indb

majukungan, kayang né alihang galah ajaka ja melali apang taén nayung jukung
nguyeng sampan. Bli dék bisa nglangi?

Dék Raka : Adi nakonang bisa nglangi?
Tu Arik : Nyén nawang kadaan di pasihé? sagét melingeb jukungé.

Dék Raka : Ah beli sing takut! Lamen suba seken Tu nyak ngatehin beli melali. nyaka malin-
geb, nyaka tengkayak suba bareng ngajak Putu, to suba swargané ané acepang beli
uli pidan. Dumadak swéca widiné pang sida ja beli ngajak Putu negak di jukungé
mabarengan, jawat ngelangi, utawi nyilem, idup kelawan mati pang sida tetep mab-
arengan.

(Tu Arik kenyem laut nguntul ngilidang kenehné elek sawiréh ia masih demen tekén Dék Raka,)
Asih 2013

Pidabdab 3.Kerta Basa

Ri sampuné wusan ngwacén bebaosan “Liburan” punika indayang rereh kruna polah ring
wacanané puniki sané polih anusuara kadi ring Sor puniki!.

No Anusuara Kruna Polah
1 Ny
2 M
3 N
4 Ng

Pidabdab 4. Nyawis Pitakén

Wusan mupulang kruna polah sajjeroning wacana ngiring cawis pitakéné ring sor puniki!.

No Pitakén Panyawis
1 Ring dija bebaosan punika kacritayang ?
2 Napi pekaryan Putu Arik Ring Serangan?
3 Napi unteng satuané Dék Raka?
4 Napi tatuwek bebaosané sareng kalih?
5 Sira sané dumunang maosang daging kayuné?, Sapunapi
baosné?

Pidabdab 5 Pangresep Indik Kruna Polah

5.1 Teges Kruna Polah
Kruna Polah inggih punika kruna lingga sané polih anusuara (anunasika) sakadi : ny, m, n, ng,
tur kapolahang. Wénten 11 aksara sané prasiada kaanusuarayang minakadinipun:

* Anusuara ny, ngobah aksara : j, c, s.
* Anusuara m, ngobah aksara : p, b, w.

32 Tata Basa Bali UDIANA SASTRA