Page 13 - M-Prog_Azz_19-20

Matchprogramm FCB Samstag 31.08.2019 /Ausgabe 2-19

ERSCHTI MANNSCHAFT - DIE JUNGE WIUDE

Auf die neue Saison hin hat der FCB sein Kader mit jungen Spielern ergänzen können. Es sind
dies

LARS FREIBURGHAUS MEN MEIER RAPHAEL SCHULER

5. Januar 2002 9. Mai 2001 15. August 2000
Verteidigung/Mittelfeld Mittelfeld Mittelfeld
aus Gruppierung mit Safnern Rückkehrer zum FCB dr chli Brüetsch vom Fäbu

Das isch e Rieseufschteuer, weme z'Kader mit junge und sympathische Lüt cha ergänze. Aui
Drü hei sich scho beschtens i d'Mannschaft integriert, häufe uf und näbem Platz am Chare
schriesse. No mou - härzlech wiukomme, schön sit dir do bi üs!

Dr Men Meier - Sohn vom Patrick u dr Beatrice Meier-Riedwyl - wei mir dir i paar Zyle vorscht-
eue, aber das cha är grad säuber mache.

I ha aus Bueb in Büre bi de ganz Chlyne
agfange schutte. Im Junioreauter haNi
d'Chance übercho ir Stärkeklass z'spiele.
Für das hani müesse uf Gränche
wächsle. E Abstächer nach Solothurn
het mi dür z'spiele i de U-Mannschafte
sportlech wider es Stück wyter brocht.
Ds Grenche hei sich de spöter aui Ver-

eine zum FC Grenchen 15 zämeg-
schlosse. Die Chance ir Coca-Cola Lea-
gue ha i mir nid loh näh u bi uf Grenche
zrugg. 2018/19 hani mi de entschiede, in
Amerika es Ustuschjahr zmache. I bi also nach 2 Jahr Gymer i Flüger ghocket und in Greenville,
South Carolina glandet. Im Highschool Soccer Team z'spiele het mer mega viu Spass gmacht. I
de Playoffs si mer sogar bis i ds Halbfinal vom Staat South Carolina cho! Nach dr Rückkehr i
d'Schwiiz hani ghört, dass Büre mit ere junge Mannschaft ufgschtige isch. Dr Entscheid zum
FCB z'cho isch mir dür das liecht gfaue.