Page 9 - M-Prog_Azz_19-20

Matchprogramm FCB Samstag 31.08.2019 /Ausgabe 2-19

WÜSSENSWÄRTS US ÜSEM VEREIN

Vor churzem isch die 83. Generalversammlig vom FC Büre über d'Runde gange. Derby hets es
mittlers Ärdbebe i dr Füehrigsetasche gäh. Damit ou dir e chlei dr Überblick heit, zeue mir öich
die wichtigschte Ämtli u Mutatione uf:

Presidänt: Lauper Thomas, bishär
Vize-Presidänt: Schläfli David, bishär
Kassier: Blaser Daniel, bishär
Sekretär: Hugi Nicolas, ersetzt nach 4 Johr d'Rothacher Erika
Leiter Schpiubetrieb: Cucuzza Marcello, bishär
Junioreobmann: Manuel Scheidegger, ersetzt nach 4,5 Johr dr Vögeli Michael
Infraschtruktur: Kocher Marco, ersetzt nach 9,5 Johr dr Fahrni Markus
Anlässe/Buvette: Sutter Marco, bishär

Us dr Schparte "Marketing" het dr Blaser Michael nach 7 Johr sis Amt niedergleit und wird er-
setzt dür nes Komitee. Chef isch dr Rüttimann Willy, är bekleidet das Amt aus Schtabschteu u
nimmt bi schpezifische Theme a de Vorschtandssitzige teil. Wüu dr Vorschtand dür dä Fau i
grader Azau bsetzt isch, überchunnt de bi Schtimmeglichheit am Presidänt sis Votum entschei-
dende Charakter.

Bi de Träner hets ou einige Veränderige gäh. Uf de Site vo de einzelne Mannschafte oder i dr
Schparte "Der Verein/Funktionäre" isch aues fein säuberlich nochetreit.

Ei Abgang bi de Funktionäre isch e chlei e schpezielle. D'Lise-
lotte Siegenthaler het nach 18 Johr Dresswösch es bsunders
Chrönli verdient. Mit ere grosse Geduud und Sorgfaut het sie

derzue gluegt, dass Dress gäng wie us em Druckli klepft us-
gseh, guet gschmöckt und perfekt zämegleit ir Täsche Platz
gfunge hei. So mänge Schtuupe wo z'Hudu u z'Fätze der-

härcho isch, het perfekt gflickt no paar Johr si Dienscht to. Li-
selotte – wir verbeugen uns und säge merci für au dis Härz-
bluet, wo i üse Verein gschteckt hesch.