Page 34 - Kelompok_Kompetensi_G_Makarya_Sembrama_Wacana_Puisi_miwah_Geguritan

Aksara Modré taler sering kaucap aksara suci, aksara punika mawit

saking pupulan aksara swalalita sané kawewehin panganggé-panganggé aksara
lan gambar, mawinan dados “aksara mati“, sané méweh antuk ngwacén.

Aksara Modré puniki kawigunannyané dados lambang, simbol utawi
nyasa, kaanggén negesin watesan miwah artos saking aksara Modré punika.
Manut para sujana (pakar) sané maosang indik aksara modré ngawedar sakadi

ring sor puniki;

“Aksara Modré inggih punika aksara kadiatmikan, minakadi: japa,

mantra, prelambang (simbol) ring sajeroning upakara keagamaan, doa-doa lan
ilmu gaib. (Nyoman Kaler, t.t).

Manut Ida Bagus Madé Suasta (2002:39 ), aksara Modré inggih punika
aksara Bali sané ketah kaanggén nyurat téks-téks kebatinan sané madrué sifat
magis, sané aksarannyané akéh nganggén panganggé aksara lan lambang-

lambang sané sampun wénten ring sajeroning perbendaharaan kebudayaan Bali.

Aksara Modré, inggih punika aksara sané katutup antuk anusuara, sané

méweh antuk ngawacén, mawinan ngamolihang pangweweh (perlengkapan)
minakadi : busana/panganggé aksara lan akéh variasinnyané, sané nénten

manut ring aturan tata basa Bali (Nala, 2006:28).

Manut tetiga panampén ring ajeng, kasimpulan indik aksara Modré inggih

punika aksara sané akéh nganggén panganggé/busana aksara, aksara simbol
lan madué sifat kegaiban, sané ngawinang aksara puniki méweh antuk
ngawacén. Sajeroning prakték ring kauripan sosial réligius masyarakat Bali sané

sujati, mabuatnyané sapa sira sané teleb ngawikanin aksara puniki, ngamerluang
kamus utawi penuntun sané kaanggén ngwantu lan ngwacén aksara Modré
punika, minakadi Lontar Krakah miwah Iwa Griguh. Ring sor puniki conto aksara

modré.

22