Page 35 - Kelompok_Kompetensi_G_Makarya_Sembrama_Wacana_Puisi_miwah_Geguritan
P. 35
4. Pasang Aksara Bali
Pasang aksara Bali inggih punika uger-uger sané dados dasar ri
kalaning nyurat aksara Bali, uger-uger puniki sampun kacumpuin ring
sajroning para jana Baliné. Kantos mangkin, pasang aksara Bali wénten
kakalih pasang aksara, inggih punika Pasang Aksara Purwa Dresta
miwah Pasang Aksara Schwartz. Sakéwanten, Pasang Aksara Schwartz
nénten naenin karesmiang sajeroning sekolahan. Manut Pasamuhan
Agung Basa Bali warsa 1957, pasang aksara Bali sané kaanggén ring
Bali wantah Pasang Aksara Purwa Dresata kantos mangkin.
4.1 Tengenan
Pasang aksara Bali tegesnyané uger-uger sané kaanggén sajeroning
nyuratang aksara Bali. Silih sinunggil pasang aksara Bali punika kawastanin
tengenan.
23
