Page 24 - Книга для родителей 2024 - от 5 до 7 лет

I яшчэ кажуць: тых, хто пачуе

гэты шэпт, куды б іх ні заносіла жыццё,

заўсёды будзе вабіць сюды, на радзіму,

да блакітнай ракі Ведзьмы -гэтаксама,

як усё жывое на зямлі імкнецца да

сонца і цяпла.

Паданне пра заснаванне Мінска

Між Татарскім канцом і Пярэснінскім

мастком, ля самага Віленскага паштовага

шляху, некалі пасяліўся славуты асілак-

знахар па празванню Менеск, ці Менскі, і

пабудаваў на Свіслачы вялікі каменны млын

на сем калёс. Ніхто самога Менеска не

бачыў, тым не менш у навакольных

мясцовасцях свіслацкай зямлі чуваць былі

самыя фантастычныя расказы пра яго сілу.

Кажуць, што ў яго млыне мука малолася не з

жыта, а з камення, што ўначы чуліся нейкія

дзіўныя крыкі, галёканне, песні, музыка і

скокі, што апоўначы раз'язджаў ён на сваім

млыне па селішчах і набіраў дружыну з

харобрых, смелых, дужых

людзей, з якіх пазней

утварыўся цэлы народ і

пасяліўся побач з млыном.