Page 15 - Oshikwanyama e-Book (Grade 1-4)

Omhito ya teelelika kwali oya Kadidi a popye

ngeenge okwa tambula ko ngoo omakumaido,

ashike Kadidi okwa kala ashike a mwena ta

hekumuna. Tate Ndjaba emu pulile ngoo

ngeenge okwa uda ko ndee Kadidi okwa kala

ashike a tya filu. Konima yefimbo Kadidi okwa

fikama ashike ndele tai konduda yaye aka

nangale. Mboli eshi a kala ta kwena hasheeshi

e uditile nai omapuko aye, ndele nee okwali

ashike e wete ta ningilwa nai komakumaido aa

ta lombwelwa. Okwali e udite kutya Ndjaba,

Nduli na Nghoshi kave mu hole, vati ova hala

okumu ninga onyanya eshi tave mu pe oilonga.

Oinamwenyo ihapu okwali tuu shili ya kumwa

noya fya ounye komalihumbato a Kadidi.

Oxungi nayo osho ya xulu efiku olo.