Page 20 - Oshikwanyama e-Book (Grade 1-4)
P. 20
Kwinya Kadidi okwali ashike teli vele eembedi. Kakwa li
vali e wete eshi ena okuninga po. Ondede, ouhasha
noku ha lombwelwa kwaye kwe mu tula moupyakadi.
Opo nee konima yefimbo okwa Tameka okudimbulukwa
omakumaido aeshe oo a lombwelelwe poxungi. Kadidi
okwa tokola opo a tule moilonga ashishe osho a lomb-
welelwe , ashike nande ongaho koinamwenyo ikwao
okwa tokola kutya itayi ko, osheshi vakwao okwali eva
tila nande a li a hala okukevapa ombili. Paife ashishe
eshi kwali ha ningilwa kuvakwao okwa tokola eshi longe
po kuye mwene. Kadidi okwa Tameka okutunga eumbo
laye, opo nee eshi a mana okwa ka teka omeva ndee
taka konga oikulya yaye . Oilonga aishe ei okwali ya
djuupalela kadidi shili, onghee hano okwa tokola opo a
kale ha longo keshe efiku nodiva, ngaashi naa naa Tate
Ndjaba emu longa. Oinamwenyo ikwao fiyo onena
ovemu kwatela ashike onghone, onghee hano mopaife
ngeenge ova mono eumbo laKadidi ohave li lyate po
ashike. “MBOLI NGENO NDA PULAKENENE KOMA-
KUMAIDO A VAKWETU”, Kadidi osho heli popile alushe
ngao keshe fimbo ta nyengwa koilonga yaye, unene tuu
ngeenge eumbo laye tali lyatwa po.
