Page 11 - Oshindonga e-Book (Grade 1-4)
P. 11
Oshiningwanima shika oshali sha geyitha omusamane
Tangeni oshoka okwali uuvite kutya omeya giimuna
yawo otaka manwamo kuNdeapo nokutekela omuti
ngoka gwakala oomwedhi gwakulupa gwo ogwa kukuta
nokuli. Omusamane Tangeni okwa matukile kuNdeapo
opo e ke mu gande omolwa omeya ngoka ta hepeke.
Tangeni: “Omeya giimuna yetu ogo to hepeke no ku pa
omuti ngono gwa kulupa oomvula dhapiti?” Ndeapo:
“Omeya oga kehe shimwe shili kombanda yevi, kage na
mwene”. Eyamukulo ndika olya geyitha omusamane
Tangeni naNdeapo okwe mu ningile omatilitho opo a
shune kegumbo. Etango inali ningina noku ningina
ehokololo olyuuvika nale kaanamukunda ayehe yO-
shifukwa. Kehe mpoka Ndeapo tayi ota yolwa no
kushekwa omolwa omukumo gwe gwo ku pa omuti
omeya. Oshoka Ndeapo okwa li a tila omusamane
Tangeni oshowo aanamukunda ayehe omuti okwa kala
no ku gu tekela uusilu omamga aantu ya lala. Ndeapo
osho a tsikile ngaaka noku pa omuti omeya, go taku
kala noku lombwela Ndeapo uuhokololo opo kaase
uuza omanga ta teke.
