Page 7 - Oshindonga e-Book (Grade 1-4)
P. 7
Esiku limwe Ndeapo okwa penduka a sa enota onkene
okwa tokola eende mokandjila ha okafupi okuya
kokathima opo a thike mbala. Omanga tuu inaa thika
okwa uvu ewi lya fa lyomuntu a kolola, omolwa omalim-
bililo Ndeapo okwa landula ewi. Sho a thiki mpoka
pwazi ewi okwali a tila oshoka inapu enda nande oyo
omadhi yomuntu. “Momukunda omuna omavukule
muno?” osho Ndeapo iipula. “Kwathelandjewo uumeya
kahwaakandje” ewi osho lya popi. Ndeapo okwa li a
limbililwa noonkondo, mokulengalenga opo ihe a mono
kutya kashi shi omuntu ta popi nokukolola ihe omuti
ngoka a pilamena. Ndeapo ina mona nale omuti hagu
popi, okwa tokola opo a pule tatii: “Ngoye omuti omuk-
washike hagu popi?”
Omuye: “Ngame omuye omukulupe,onda ningi oom-
wedhi odhindji inandi mona omeya oshoka okamuthima
otaka pwine ngame muukulupe wandje itandi vuluwe
oku thikitha ko omidhi dhandje”. Mokuuva kutya omuti
ogwa ningi oomwedhi inaagunwa Ndeapo okwa matuka
a ka tale omeya pokamuthima. Sho a thikipo okwa
koneke kutya kena nande oshikwatelwa shasha shoku
humbata omeya.
