Page 127 - Mizo Fakna Hlabu

No-120

KA DAMNA LAL KRISTA THU

-HP Runremthanga Key-F

1. Kraws thu chu boral mek tan chuan atna a ni,

Chhandam mekte tan chuan thiltihtheihna a ni;

Aw Kraws mite’n hmusitin lo hnawl thin mahse,

Kei chu ka damna kraws ka thiamchanna a ni.

Lawmin ka puang zel dawn (2)

Ka damna Krista kraws chanchin hi;

Chhuan tur reng ka nei lo, Sawi tur pawh ka neilo,

Ka damna Lal Krista thu chauh lo hi chu.

2. Ka hriatnate hmangin damna ka lo zawng a,

Ka theihnate hmangin a rawng ka lo bawl a;

Mahse ka hmu zolo thlamuanna famkim chu,

Ka damna chu Lalpa Kraws thu chauh hi a ni.

3. A ropuina silhfen hlip a mi zawngtu chuan,

Thildang zawng zawng chanin kei hi mi rawn thlang ta;

Keipawh ka hlawkna tur thilte chu kalsanin,

Ka Lal ka Chhandamtu hi ka thlang tawh zawk ang.

4. Lirpuite lo nghingin lungpui alo khi a,

Puanzar lo thler chhuakin khawvel pawh a thimzo;

Tiang em a thiltithei kraws thihna ropui hian,

Sualbawih a tangte tan zalenna a thlen ta.

Lanthara Siakeng