Page 129 - Mizo Fakna Hlabu

No-123
KA KIRLEH DAWN

-Ahma khawlhring Key- Cm

1. He khawvel hi tahna Ram a ni;

Ka khualzinna retheihna Ram,

Mahse thawhrim natna manganna;

A awm tawh law’ng chu hmunah chuan.

Ka kirleh dawn ka Lalpa hnenah,

Ka kir leh dawn hnungtawlh loin,

Jordan Lui chu ka daikai anga,

Ka kirleh dawn ka Pa hnenah.

2. Lallukhum ropui ka khum anga;

Thianghlimna Ram ka thlen hun chuan,

Chhandamna thu ka aupui anga,

Tlansate nen kan leng tawh ang.

No-124 THIM LEH ENG

Key-F

1. Nun chau leh beidawng a ka vahvaih laiin,

Lal Isua’n min ko min hmangaih em vangin;

Thlamuanna duhawm leh khawngaihna mak tak chu.

Ka vahbosan tawh lovang,

I tan ka nun ka hlan tawh ang a;

Ka phatsan leh tawh law’ng,

Thlamuanna duhawm leh hmangaihna mak tak chu,

Ka Lal Isua’n min rawn pe ta.

2. Hmangaihtu tawnglova ka khawhar laiin,

Ka Lal Isua’n min sawm a hnenah cheng turin;

Amah chu ka In leh Rohluber a lo ni.

3. Lal Isua ka duhber khawvel zawng aiin,

Thlachhamin ka awm law’ng, Amah nen kan inpawl chuan;

Damchhung ka tawh apiang lawmna tur a lo ni.

Lanthara Siakeng