Page 173 - Mizo Fakna Hlabu

No-175
AW THIHNA

-Phuahtu: Sanglianthanga Key-B

1. Hmelma hnuhnungber tihbova awm tur chu,

Thihna rapthlak tak mai hi a ni;

Isua’n thihna in a tiboral ta.

Aw, thihna, khawiah nge i tur chu?

Aw, thlan khawiah nge i hnehna chu?

Thihna tur chu sual thiltihtheihna ni mahse,

Isua zarah hnehna chu kan chang ta.

2. He tawi theih hian tawih theihlohna sin-in,

He thithei hian thih theihlohna sin-in;

Lalpa Niah chuan ka tho leh ang.

3. Ringtu tan thihna a awm ve tawhlo,

Lalpa chu Minung Pathian a ni si;

Ringtu tan thihna a awm ve tawhlo.

No-176 VANGLAI NUN

Key-B

1. Thiltha ti atan khawngaih in min ko,

Thatlai Nite hi Lalpa tan a hmang turin;

Thiamna theihna leh kan Aw neih zawngte,

Rinawmin Lalpa tan i hlan ang u.

Vanglai nun hi hlimthla ang maiin,

Hlobet Par ang in ala chuai mai dawn si;

Rinawm takin thatlai Nite hi Lalpa tan i hlan ang u,

Kan Vanglaini a chuai mai dawn asin.

2. He Khawvel ah hian harsatna tawkin,

Mangannate leh beidawnnate lo thlengin;

Sualna chhumpui leh thlemnate’n min bei mahse,

Nghet taka dingin i pen zel ang u.

Bridge :

Hringnun lo ralin thihna thlan thim chu belin,

Chhandamtu Lalpa i tawk ngam dawn em?

Lanthara Siakeng