Page 175 - Mizo Fakna Hlabu

No-178

KA PIANPUI NUNGCHANG

-Pastor C.Saikhuma Key-C

1. Ka pianpui nungchang min ti mualphotu,

Ka chhandamtu kraws min ti mawi tu;

Misual beisei bo hremhmun hmabak mai,

Chhandamtu ngaiin ka lo rum e.

Ka chhandamtu kraws ka han thlir chiang a,

Tahchuan nunna tui nung ka chhar ta;

Thlarau thianghlim a piantharna min pe,

Ka thinlung lawmin a luangliam ta.

2. Khawvel thil ah chuan chhuan reng ka nei lo,

Daikil kar a mirethei ka ni;

Ka beisei chhanber ngaih man awm Lalpa,

Ka Chhandamtu Kraws ka chhuang a ni.

3. Khawram chhimbuk leh thlaler tuivalawng,

Sakhi Luite tui a hal ang hian;

Ka nun ram ngaihber chhandamna famkim,

Ka thinlung ril hian a zawng fo thin.

4. Ka chhandamtu kraws nitin ka thlir thin,

Ka damchhung zawng hian ka vuan zel ang;

Khawngaihte beisei chatuan vanram ah,

Min hruai turin a lo kal thuai dawn.

Lanthara Siakeng