Page 328 - Mizo Fakna Hlabu

No-334

ACHIANG LEHZUAL THIN

-R Lalthangluaii Key-C

1. He Lei hringnun kawng ka zawh mek lai hian

Harsatna thlipuite’n min nuai vel thin a,

Zirtirtu kan boral dawn hi tia an au ang khan

Lalpa ka auva ani’n min hnehsak ta.

A chiang leh zual thin harsatna hunah,

A hmangaihna leh A thiltihtheihna;

Ka rah chin zelah a A rinawmna ka hmu,

Ka fak zel ang ka Lal ka chhandamtu.

2. Hmu tawh leh hre famkim a inngaiin,

Ka duhtawk chinah Lalpa ka zui thin che;

Keimahah ka lo in-Pathian ve thinna kawr ngei hi,

Lungngaihna min thlentu mai an lo ni e.

3. Khawvel Mite’n hrethiam velo mahse,

Van lawmna thuruk keimahah i dah hi;

Kan pawnlam Mihring chu lo awngrawp fo thin mahsela,

Kan chhunglam Mihring chu siamthar zel a ni.

4. Nitin Lalpa ka nunah thusawi la,

Mosia iangin hmun thianghlimah min dah la;

Chutin I aw chauh ngaithla in ka zui zel fo ang che,

Rinawmin Lalpa i tan ka nung tawh ang.

Lanthara Siakeng