Page 325 - Mizo Fakna Hlabu

No-331

KA NUNNA HI PANGPAR ANGIN

-Luaia

1. Ka nunna hi pangpar angin, Rei lo tean a ral ang;

Zana mumang khua a vara, A boral ang hi a ni.

Aw ka thlarau, vanah thlawk rawh,

Lei hi engah nge i ngaih?

I chatuan khawpui mawi pan la,

Mi thianghlimte khawpui chu.

2. Khawvel nunna hi eng nge ni? Natna leh lungngaihna chauh;

Hlim leh lawmna zawng zawngte hi, Hlobet pangpar ang a ni.

3. Kan thian duh tak kal tate chu, Hlim leh lawmin an thleng ta;

Lalthuthleng din hualin an zai, Kan chatuan Lalpa fakin.

4. A ropuina eng mawi tak chu, Ni aiin a eng mawi zawk;

Chutah ropui hmaah chuanin, Kan Lal Isua kan hmu ang.

5. Ka aw mawi neihchhun zawng zawngin, Ka fak ang ka thlenhunin;

Thuro ang len thiam ila, Ka thlawk ang vanramah khian.

BRIDGE :

Aw ka thlarau, tunah thlawk rawh,

Khawvel hi kalsan tawh la;

I chatuan khawpui mawi pan la,

Khawpui mawi, Lalpa ram chu.

Lanthara Siakeng