Page 322 - Mizo Fakna Hlabu

No-328

KAN TAWIHRAL DAWN SILO

-Upa Sanglianthanga Key-E

1. Khuanu ruatin khawvel sualthim hnuaiah hian

Kanlo piangin kanlo seilian a,

Mahse Lalremruatna dan hnuaiah

Mihring tan vawikhat thih ruat ani a.

Vaivut a siam kan ni a

Vaivutah vek kan kir leh dawn

Mahse Isua ringtute chu kan tawihral dawn silo.

2. Thihna thlanthim chuan min then rihmahse

Lungngaih a tapin rumrih mahila

Lal Isuan thihna a hnehzo ta

Kan tlawmlai taksa a parvul leh ang.

3. I Vanglai hun leh thatlaini leh kumte

Mite tan leh i Lalpa rawngbawlna’n

Hmangraltu chu i Lal hnenah chuan

Lungmuante’n chawlhlen angche aw ka Pa.

4. Hun leh kumte lo inherchhuak zelah hian

Kan ngaizual thin chhungkim dar ang lenlai

Chatuan rammawiah aw lungkimte’n

Kan lenza hun tur ka ngai vawng vawng thin.

Lanthara Siakeng