Page 319 - Mizo Fakna Hlabu

No-325
SIMNA TEL LO

-Vanlalsailova

Lungngai a kuna, chhing mittui fara zahngaihna dil-tute.

Chhan chakin a thlir, i aw ngaithla eng nge i sawi thin le?

Sual vanga mualpho hlauh thawn avanga hum him i dil thin em?

A chhan che ring suh, juda kha thlir mai rawh.

Simna tel lo pianthar a tawk lo ve.

Kross thleng lova nun chân ten chhandam an hlawh si lo.

Sual haw lo mualpho hlau mai ringtu chu,

Tih boralin an la awm dawn e.

I tuarna zawng leh i lungngaihna zawng, Krista vang a ni em?

I tisa duh thlanna vanga lungngai em ni i nih?

I buaina chinfel pui tur atan chauh ISUA i duh thin em?

A ni chuan len pui atan a duh che.

Thlaraua bul tan, tisa a zovin lal rawng i bawl em le?

I kal thui zel ang, i thil tih hmangin chhandam i intum ang.

I hriatna thiamna zawngte hmachhuanin lal thu i sawi thin em?

I mualpho-na zawkah lal a lo mawi ang.

Lanthara Siakeng