Page 318 - Mizo Fakna Hlabu

No-324
NANG FAK ZEL CHE

-C Lalzarmawia Key-D

1. Kan zinna he Lei hi zawng Lungngaihna hmun mai lo ni

Hlimni lo thleng thin mahse Tah niin kan khar leh thin

Lungngaihna leh manganna-in min chim buailaini hian

Tu hringnun nge maw lungawi ngaile?

Chibai ka buk a che, i hma-ah ka lo kun e

Fakna ka hlan a che, ka thiamna theihna zawngin.

Lungngaihni lo thleng mahse.

Hlim Lawmna kar pawh nise.

Nang fak zel che hi ka duhsam ber a ni.

2. Hringmi nun a thleng thin hi Kan rel leh ruat a nilo

Jacob-a Pathian ngei chu ro min rel saktu a ni.

Kan Puithiam Krista zarah amah chu kan pa a ni.

Hmangaih tawp lova hmangaihtu chu.

3. Nang fakna hlanlo chein, Chibai buklo che ila

He thlaraua rethei tak hian khawilam nge a hawi ang le?

Nang Pathian nung chu i ni, engkim chunga roreltu,

I hnen lovah hian thla a muanglo.

4. Aw, unau i dawn ngai em? Hringmi kan lo pianchhan hi

A siamtu Chibai buka, a ropuina tarlanga’n.

Ama tana inhlana, a hnena inpumpekin

A Rawng chauh bawltu kan lo ni e.

Lanthara Siakeng