Page 170 - 林一鳴的投資世界
P. 170
5.3 小明的故事
陳小明每年加人工 10%，在二三十年前的職場來說，肯定是
最差的一位；但如果在今天，應該好過九成人。
我曾經在 2017 年 10 月東周刊專欄寫過一篇「小明的故
事」的文章，同時也在 Facebook 的專頁刊登。想不到這文章
刊出之後，引起各方面很大的迴響。故事是這樣寫的︰
小明的故事
5 後生仔
假設有一位年輕人，名字叫陳小明。
陳小明絕對是成人世界「百中無一」頂級乖仔︰出
傾吓計
世唔夠三個月就懂得念晒 26 個英文字母，幼兒園已經學
緊五國語言，小學加中學十二年都係全班頭幾名，跑步
游水學界代表，三種樂器考到八級，再加上奧數、辯論
隊、朗誦等一大堆唔知係乜的金獎銀獎，總共超過三百
張證書和獎狀，十幾幅牆都貼唔晒……DSE 成績也考得
不錯，全部都是五分以上，有兩三科更是五 * 和五 **。
陳小明順利進入大學之後，繼續全心努力讀書，連
女朋友都唔識番一個半個，亦唔會理乜嘢黃絲藍絲。結
果以優異成績畢業，畢業後唔去玩就馬上返工，起薪點
每月 15,000 元，比起其他同學已算不錯；根據大學聯校
就業資料數據庫，就算是四大會計師事務所，增聘新人
起薪亦只有 14,000 元。
170
