Page 171 - 林一鳴的投資世界
P. 171
進入職場的陳小明，每天返工朝八晚十，工作表現
年年攞 A，每年加薪百分之十，增幅多過九成香港打工
仔。他唔去日本旅行，手機舊款兩年也不換，唔炒股票
唔炒 Bitcoin，連續十年保持儲蓄，每月扣除畀家用和必
須開支外，一出糧就將 30% 的薪金儲起來。
如果你係阿媽，生到一個好似陳小明咁嘅乖仔，應
該每日都要劏雞還神；如果你係港女，遇到一個好似陳
小明咁嘅好男人，應該唔拍拖都立刻嫁畀佢。不過以香
港人的標準，以上全都不是重點……重點是他在職場捱
了十年，可以買得起港樓，可以有樓有高潮嗎？ 5 後生仔
這是數學問題，我們可以計算一下︰陳小明首年薪
金加年尾雙糧有 195,000 元，儲蓄 30% 就有 58,500 元；
傾吓計
假設這些錢放在穩健投資，每年回報率 5%，跑贏金管
局和强積金。第二年加薪後儲到 64,350 元，總儲蓄就有
125,755 元；如此類推，經過十年來的艱苦努力，都只係
儲蓄到 113 萬。
若陳小明將 113 萬作為首期，在香港可以買到甚麽
樓？假設最高按揭為樓價六成，可以買到金額是 282 萬，
應該只夠買個車位。
如果借埋二按，可以嗎？目前市場有間房的上車盤，
最便宜都要五六百萬；如果利用按揭證券公司的計劃，
一按加二按最多可以借到 480 萬，每月供款接近兩萬元，
過唔到金管局的壓力測試。
170 171
