Page 46 - Балдарга 2023_Neat
P. 46
Саклай школго једип келди. Клазыныҥ балдары ончозы јеринде. Ол
уур-кӱч санаалу портфелин ачып, баштыкта канпеттерди партаныҥ
ӱстине салды.
– О-о, Саклай нӧкӧрим тату курсак экелген туру не – деп, Чечен
сӱӱнди. – Сен – мениҥ чындык нӧкӧрим. Шоотконымды кайра аладым,
јаманым ташта – деп, ол колын берди.
Саклай удура база колын береле айтты:
– Кажыгарга ла бир болчоктоҥ. Чечен, сен ӱле.
46
