Page 43 - Балдарга 2023_Neat
P. 43
– «Беш» ле «эки» де болордоҥ айабас – деп, Тузан таай тураныҥ эжигин
ачып, уулчактарды кийдирди.
Кичӱбий ле Айдарбек билетен: Тузан таай кандый ла кӱч айалгаларда
сӱмени таап ийер. База сӧс айдарынаҥ jалтанып, унчугышпай тургулады.
Тузан таай Айдарбекке бурылып сурады:
– Бешке тӧртти кошсо, канча болор?
– Сегис.
– Эмди сен айт – деп, Тузан таай Кичӱбийге бурылды.
– Тогус.
Тузан таай кем кандый темдек алганын оҥдоп, уулчактардыҥ кӱӱн-
санаазын кӧдӱрерге, сӱӱнчилӱ айтты:
– Бӱгӱнги «jетини» ундуп, эртен «он» экелерге чырмайыгар!
Уулчактар бой-бойына кӧрӱжип, «је» деп бир ӱнле айдышты.
43
