Page 39 - Балдарга 2023_Neat
P. 39
Алтынай Эркешевна чаазыннаҥ кӧзин албай кычырып, учында айтты:
– Чечен чечектерди сӧстӧрлӧ јурап салган. Кандый јараш, уксаар да,
балдар:
Чечек јурап билбезим,
Чегин сеге айдайын.
Оныҥ учун сӧстӧрлӧ
Уткуулымды айдайын.
Кӱнниҥ јылу чогындый
Кӱнӱҥ-кӱнӱҥ сӱӱнгейиҥ.
Јалаҥда јараш чечектий
Јайым, седеҥ јӱргейиҥ.
Нӧкӧрлӧриҥ кӧп болзын,
Кӱнлигиҥе «беш» толзын.
Јаанныҥ сӧзин угуп јӱр,
Јаантайын ла омок јӱр!
Ӱлгерди угала, кысчактар ла уулчактар изӱ колчабыжула Чеченди
мактагылады.
39
