Page 37 - Балдарга 2023_Neat

СЕГИС МАРТКА СЫЙ

Удабай ла Сегис марттыҥ байрамы. Ӱредӱчи, Алтынай Эркешевна,
тӧртинчи класстыҥ уулчактарын јууп айтты:
– Уулчактар, эмди слер тӧртинчи класста. Бежинчи класска кӧчӧлӧ,
слер јер-башка јӱре беререер. Класстыҥ кызычактарын канайда уткуурыс?

Ундулбайтан кандый сыйлар эдерис?
– Бу кӱч сурак, Алтынай Эркешевна – деп, Эрчим айтты.
– Не кӱч болотон? Магазиннеҥ канпеттер алала, сыйлап бергейис – деп,
Эрмен тыҥзынган кептӱ унчукты.
– Канпет – ол јакшы сый. Тату сый. Је канпетти кыстар јип салар. Оноҥ
не де јок – деп ӱредӱчи айдала, јакшы јуранып турган Эмилге баштанды.
– Айса јараш јуруктар сыйлаарыс па? Слердиҥ јурукту сыйлараар узак
јылдарга арттып калар.
– Кем јуранып болбос, ол канайдар? – деп, бажын да кӧдӱрбей, Чечен

сурады.
– Кем јок, Чечен. Эмди јуруктарлу бичиктер кӧп, ого тӱҥейлеп јурап
салгайыҥ – деп, ӱредӱчи уулчакты токунатты. – Бу толгоп салган чаазын-
дарда кыстардыҥ ады-јолы. Кемге кандый кыстыҥ ады учураар, ол ого
јуругын сыйлаар. Јарт па? – деп, Алтынай Эркешевна сураарда, уулчактар
бир уунда «Јарт-јарт» дешти.
Чечен айлына келип, ажанбай да јуранып баштады. Бир альбомды
тӱгезе јурады. Је јараш чечектиҥ сомы да билдирбейт.
Энези ажанарга кычырарда, Чечен «Бош јок» деди.
Энези уулына јууктап сурады:

37