Page 38 - Балдарга 2023_Neat

– Не болгон, уулым?

– Не де болбогон. Чечек јурап болбой јадым. Эртен Эркелейге сый эдер
керек.
Энези уулыныҥ бажын јыттап айтты:
– Јараш чечекти сӧслӧ дӧ јурап салар арга бар. Кем де јуруктар сый-
лазын, сен эптӱ ӱлгер чӱмдеп сал. Сенде ондый јайалта бар. Бооро Јаҥы
јылдыҥ байрамына кандый јакшы ӱлгер бичиген эдиҥ.
Чечен энезиниҥ сӧзине јӧпсинди. Ажанала, такып столго отурып,
ӱлгерин чӱмдеп баштады. Је канайып та сананза, бажына не де кирбейт.
– Эне, болушсаар! Ӱлгерди канайда баштаарын аайлабай турум. Бу Се-
гис март деп байрам болбойтон болзо – деп, Чечен ыйламзырады.
Энези уулыныҥ јанына јууктап айтты:

– Бир эмешке тышкары барып кел. Јаскы јылу кей болужын јетирердеҥ
айабас.
– А ӱлгерди качан бичийтем?
– Келеле бичигейиҥ.
Чечен куртказын кийеле, тышкары чыкты. «Чындап та, тышкары кан-
дый јакшы» деп, Чечен бойында сананды. Ары-бери базып турганча, са-
наазына ӱлгердиҥ јолдыктары бойы келди. Ол капшай ла турага кирип,
столго отурала, бичине берди.
Эртенгизинде уулчактар кызычактарды уткуп баштады. Эҥ ле јараш

јуранып турган Эмил чӧйӧ-чӧйӧ алтап, Сынаруга јуругын сыйлады. Уул-
чактар ээчий-деечий тургулап, сыйларын кысчактарга туттурды. Јаҥыс
ла Чечен кыймык та јок унчукпай отурды.
– Чечен, сен сыйыҥды не туттурбайдыҥ? – деп сурайла, ӱредӱчи оныҥ
јанына келди.
Чечен ӱлгерлӱ чаазынды ӱредӱчиге берди.

38