Page 3 - Getroud met 'n Leuen

NabasDiep VERLIEF OP 'n LEUEN

Hierdie boek is opgedra aan:

Hierdie boek is opgedra aan my seuns wat deur moeilike tye in hulle lewe moes gaan en beslis
nie ’n idee gehad het waarom die lewe so stief moes wees nie. Hulle was immers maar net
kinders en baie jonk toe die gebeure afgespeel het. Dat hulle slagoffers moes wees van ’n
wrede stryd vir oorlewing is vir my ’n diep hartseer en smart. Die feit dat dit 'n stryd met NPA
was, en so iets nie alledaags was nie, het die aangeleentheid erg bemoeilik en bowenal die
feit dat mense met NPA hoofsaaklik nie bewus is van wat hulle doen nie en eintlik bejammer
moet word. Ek het geweet dat pyn en ellende oor die pad gesaai sal lê en daarom het ek nie
probeer om enige inligting aan hulle te gee vir die dinge wat ek self nie ten volle verstaan het
nie. Vir daai ellende en wanhoop en woede is ek eindeloos jammer. Die jammerte lê eintlik
daarin dat volwassenes soms net nie die vermoë het om bo hulle drang vir wraak, hoe
misplaas dit ook mag wees, kan uitstyg nie. Maar selfs dit word in 'n mate in die boek
uitgespel, soms is volwassenes net nie daartoe in staat om ander bo hulleself te stel nie, maar
wanneer dit jou eie kinders is, bly dit onbegryplik en onvergeeflik omdat die waarheid
doelbewus verkrag word. kinders kan nie bepaal wat reg of verkeerd is as daar vir hulle geen
kans gegun word nie en ook nie die regte inligting gegee word om vir hulleself te besluit nie.
Na soveel jare word dit eintlik vir hulle al moeiliker om nie te oordeel en te veroordeel nie
want die bedrog word naderhand as die waarheid voorgehou.

Die boek is vol betekenis vir my twee susters. Beide van hulle is in hulle jong dae deur 'n
familielid seksueel gemolesteer. Die impak van hierdie gebeure het ver en wyd in hulle lewens
'n aanslag en ‘n inslag gevind. Ek het oor die jare maar al te veel tot die slotsom gekom dat
daar vele psigologiese insette in mense se lewens is, en dat die impak daarvan meeste van die
tyd onwetend verby waai, maar die resultate kan verreikend of verwoestend wees. As 'n mens
nie bewus is daarvan nie, dan stoei jy eindeloos met jouself sonder om by 'n antwoord uit te
kom. Ander kere is dit so asof mens nie die waarheid wil konfronteer nie, of dalk nie by die
waarheid wil uitkom nie. Dalk is daar vir hulle 'n stukkie verlossing hier te vinde, veral as dit
oor ons kinderjare gaan. Vir hulle liefde en ondersteuning is ek bitter baie dankbaar. Vir seker
was daar ook persoonlikheids afwykings in gebeure ingevleg.

Die hele boek gaan egter net so vir ons Vader in die hemel. Niemand sal ooit kan besef hoeveel
smart en duisternis en wanhoop en onsekerheid 'n mens in situasies soos hierdie beleef nie,
en in my geval was daar niemand behalwe die Almagtige Here in die hemel, geen aardse
sterfling op wie ek kon steun of op wie ek kon vertrou nie. Wanneer dit gevoel het asof die
benouenisse van hofsake, die verloor van my kinders, hulle lot en toekoms en uiteindelik die
alleen grootmaak se verantwoordelikhede, net te veel word of as depressie te hard klop, was
die Here se eindelose nabyheid my totale oorlewing en is dit presies dit wat ek hier in die
verwerkte Psalms probeer uitdruk het. Die Psalms in hierdie boek is vir lees en geensins 'n
poging om 'n nuwe Psalm Bybelboek te genereer nie.
Aan elke liewe slagoffer van 'n narsis, wil ek net sê hoe jammer ek is vir die geestelike
verwaarlosing en die trauma en die pyn waardeur hulle moet gaan. Om te dink dat narsiste
jou ‘my liefling’ of ‘my skat’ en ‘my wonderlike man of vrou voor ander mense sal noem, maar
wanneer hulle alleen is met jou, die slagoffer, sal daar nie 'n enkele liefdevolle blik, kyk of
drukkie wees wat eg is nie, nie eers in 'n 20jaar periode nie. Dit weet ek vir 'n feit. Dit is

* Verwys asseblief na die Verkorte Woordelys agter. 3