Page 58 - MIN VOS 14 OCT 2015
P. 58
Doñonan di trabao lo tin cu bay paga extra
na premieloongrens pa sanea fondo di seguro
di malesa
on: October 13, 2015In: LocalNo Comments
Print Email
Recientemente director di SVB, sr. Edwin Jacobs, tabata den Parlamento pa asina duna un
presentacion pa loke ta e situacion financiero cu e seguro di malesa aki tin. El a splica cu tin
diferente opcion cu SVB tin. E opcionnan cu tin ta aumento di prima, aumento di
premieloongrens. Tin tambe reduccion di e beneficionan. A busca manera pa mira e solucion den
un contexto amplio y locual for di SVB ta conseha ta e premieloongrens, den combinacion cu
exoneracion di e debenan entre fondonan y tambe un transferencia di e fondo di cesantia cu ta un
fondo sumamente financieramente hopi solido. Un transferencia pa yuda e fondo di malesa pa
sali for di problema.
A traha diferente scenario cu e meta pa durante un periodo di cinco aña, yega na un saneamento
pa un fondo di malesa aki.
Intencion ta cu lo bay bin un cambio di ley cu lo bay introduci e cambionan aki pa exonera e
debenan entre e fondonan. Esey lo yuda reduci e debe por lo tanto e patrimonio negativo lo bay
reduci. Loke ta keda habri ta e debe cu e fondo tin na doñonan di trabao. Pa soluciona esaki y pa
soluciona e entrada cu no ta suficiente pa cubri e gastonan. SVB a propone pa aumenta e
premieloongrens. Esey lo trece extra entrada aden pa cubri e gastonan coriente di e fondo, pero
pa genera un tiki pa reduci e debenan na doñonan di trabao y pa caba di reduci esaki, ta propone
un transferencia for di e fondo di cesantia entre un 5 pa 8 miyon florin, depende den ki scenario
lo bay trata e premieloongrens. Cu e tres pasonan aki, lo por sanea e fondo di seguro di malesa
pa e proximo cinco añanan.
