Page 60 - MIN VOS 14 OCT 2015

SVB: Gastonan di malesa lo haya atencion

on: October 13, 2015In: LocalNo Comments
Print Email

Pa loke ta e fondo di gastamento di placa di malesa SVB ta trahando riba desaroyonan di e fondo
pa malesa pa cual un presentacion a keda duna nan parlamento di Aruba door di e director,
Edwin Jacobs kende a splica kico tabata meta di e presentacion aki.
Den cuadro di saneamento di e situacion financiero di e fondo di malesa, gobierno, minister di
salud publico y deporte y cuido pa nos grandinan, a pidi un audiencia den parlamento pa asina
SVB por a informa Parlamento di e situacion financiero di e fondo, pero tambe presenta e
diferente opcionnan cu tin riba mesa cu por wordo emplea pa asina por trece bek e situacion
financiero den un situacion saludabel. Esey a sosode den un reunion di Parlamento completo a
presenta na minister y informa Parlamento e situacion di e fondo, con e situacion a yega asina ey.
Tin diferente desaroyo den pasado cu e fondo tabata tin y a mustra Parlamento e diferente
opcionnan cu ta kere ta factibel pa por trece e situacion financiero di e fondo y garantisa e clase
trahador cu nan por conta si den futuro riba e fondo di seguro di malesa.
Jacobs ta sigui splica cu e seguro di malesa ta un seguro obligatorio pa tur trahador den sector
priva, caminda e doño di trabao ta contribui cu un prima na e fondo. Ora cu e trahador ta Ao e ta
ricibi despues di 3 dia, ta ricibi 80% di e compensacion di e dia di Ao for di e fondo aki.
E fondo aki den principio, ta un fondo cu ta conoce su retonan, cu e no tabata tin suficiente
entrada. Prome cu e fondo di AZV, e fondo di seguro di malesa, ademas di compensacion di dia
di Ao, e ta cubri tambe e gastonan medico. E fondonan, e entradanan, prima di e fondo aki nunca
tabata suficiente pa cubri e gastonan. E temponan ey, a bay over na fia for di diferente otro
fondonan, placa pa asina por sigui cubri e gastonan di e fondo, loke a pone cu e fondo di malesa
a yega di tin y tin hopi debe cu hopi debe, manera fondo di garantia, fondo di AOV etc. E
debenan aki den combinacion cu e resultado negativo, ta pone cu e eigen vermogen, e patrimonio
di e fondo ta negativo, riba 100 miyon. Y e ora e patrimonio negativo aki, door cu gobierno ta
garantisa e fondonan di SVB, ta pone cu e patrimonio aki ta mir’e bek den e cuentanan anual di
gobierno, bay di e pretensionnan cu gobierno ta tuma pa loke ta e fondonan di SVB. Ta un riesgo
pa presupuesto di gobierno, pero tambe ta un situacion cu tin cu bay atende.