Page 6 - COMBINED DIARIO

PAGINA 6 DIARIO DIALUNA 26 JANUARI 2015

Prome Minister y Minister di Labor a reuni cu AHATA

Productividad lo ta e enfoque
principal pa e añanan nos dilanti

pa cu e maneho laboral

ORANJESTAD (AAN): Cambionan di ley pa proteccion
di e trahador, mas profesionalismo por medio di cursonan
y forma di traha mas eficiente lo mester contribui na mas
productividad riba e mercado laboral. Alabez un maneho
laboral dinamico, den consulta cu e partnernan social lo mester
hiba na un mercado laboral mas productivo y participativo”,
tabata palabranan introductorio di Minister di Labor drs. Paul
Croes na apertura di e reunion importante aki.

Diferente miembronan di AHATA cu tabata tei presente a
vocifera agradecimento pero alabez a presenta un lista di 11
punto cu segun AHATA mester di atencion. Minister President
Sr. Mike Eman a mustra cu topiconan di interes nacional,
entre otro leynan laboral, maneho laboral y cambionan cu
por afecta e industria mas grandi na Aruba semper por wordo
presenta tambe den Dialogo Social. Prome Minister a invita
AHATA tambe pa trece esakinan pa dilanti. Por bisa cu e
reunion a bai den un ambiente sublime. Puntonan cu a wordo
treci padilanti a recibi contestanan di inmediato, otronan a
keda pa hunto elabora mas riba nan. Tin cierto proposicionan
tambe pa cambionan den ley.

Minister Croes a mustra tambe riba cierto inquietudnan cu
e mes ta premira riba e mercado laboral, entre nan e fenomeno
“cheap labor”, cual hunto cu e partner importante aki kier
bringa esaki. Croes a duna ehempelnan cu cierto funcionan
ta wordo ofreci salario hopi abou y ta forsa trahadornan pa
eherce e funcionan aki. “Hunto nos ta sali afo pa nos tin un
mercado laboral mas productivo y participativo, esaki lo hiba
na un desaroyo economico miho”, Minister Paul Croes a
bisa.

Telefonnan di DIARIO
582-6747 Fax 582-8551