Page 13 - awem.april 16
P. 13
AWEMainta Diahuebs, 16 April 2015 13
Esnan responsabel mester carga nan
responsabilidad
E SIMAN aki fraccion di MEP a entrega un peticion pa haci
un investigacion profundo n’e escandalo di Hedging na WEB.
Segun e lider di e fraccion gel, sra. Evelyn Wever-Croes hopi
hende ta puntra con a para cu e asunto aki, pasobra ta parce
cu cos a keda keto.
“Pesey mi ta informa cu nos si a sigi traha riba e tema aki y nos a
haci nos investigacion. Pa cuminsa nos como Parlamentarionan
a wordo limita y stroba den nos trabou pa cuestiona WEB y
Utilities debidamente, pasobra nos a haya e raport y den algun
ora a reuni cu WEB y Utilities, y pa colmo nos a haya 3 minuut
so pa haci pregunta.Pero locual cu nos por a constata ta cu e
raport di Price Waterhouse Coopers no ta completo. E raport
mes ta splica con limita Price Waterhouse Coopers tabata den
nan tarea y posibilidadnan.Price Water House Coopers mester
a limita su mes na un parti chikito di e proceso di hedging, esta
solamente internamente den WEB. Mientras cu e proceso ta
mucho mas amplio, e ta cuminsa n’e team di hedging na WEB,
pero ta envolvi tambe Directiva di WEB, Hunta Comisario
di WEB, Directiva di Utilities, Hunta Comisario di Utilities y
Gobierno, especialmente Mike de Meza y Mike Eman’, según
Evelyn Wever-Croes.
Pero PWC tabata mag di investiga solamente e team di hedging
y e Directiva di WEB, y di e raport a sali cu no ta nan mester carga
responsabilidad. Pesey MEP mester sigi investiga te ora yega
n’esnan responsabel.Tambe PWC a splica cu nan tabata mag
di papia solamente cu esnan cu WEB permiti nan papia cune, y
nan tabata mag di investiga solamente documentonan cu WEB
duna nan. Pues nan mes no por a haci mas investigacion, y
pesey tambe e raport di PWC no ta suficiente profundo.
Un di tres punto sumamente importante ta cu PWC ta bisa cu
nan no por a verifica e informacion financiero cu nan a inclui
den nan raport. Ta con anto Gobierno kier pa Parlamento
forma un opinion? Imposible!Algun tempo pasa un persona a
wordo manda cas, pasobra un recibo di WEB a cay den man di
prensa. Awor cu pueblo ta wordo horta e alivio di 800 miyon
florin, ningun hende ta wordo manda cas? Esaki no por.
MEP tin indicacion fuerte caba cu e responsabelnan ta
Minister Mike de Meza y Prome Minister Mike Eman, y MEP
lo sigi investiga te yega na fondo di e escandalo aki p’asina e
pruebanan bin riba mesa.
Nos kier pa Algemene Rekenkamer haci un investigacion pa
despues determina si nos ta bay pa Ministerio Publico of pa
un Encuesta Parlamentario. Pero en todo caso, e cos aki no ta
keda te aki, lider di MEP Evelyn Wever-Croes a duna di conoce.
Esnan responsabel mester carga nan
responsabilidad
E SIMAN aki fraccion di MEP a entrega un peticion pa haci
un investigacion profundo n’e escandalo di Hedging na WEB.
Segun e lider di e fraccion gel, sra. Evelyn Wever-Croes hopi
hende ta puntra con a para cu e asunto aki, pasobra ta parce
cu cos a keda keto.
“Pesey mi ta informa cu nos si a sigi traha riba e tema aki y nos a
haci nos investigacion. Pa cuminsa nos como Parlamentarionan
a wordo limita y stroba den nos trabou pa cuestiona WEB y
Utilities debidamente, pasobra nos a haya e raport y den algun
ora a reuni cu WEB y Utilities, y pa colmo nos a haya 3 minuut
so pa haci pregunta.Pero locual cu nos por a constata ta cu e
raport di Price Waterhouse Coopers no ta completo. E raport
mes ta splica con limita Price Waterhouse Coopers tabata den
nan tarea y posibilidadnan.Price Water House Coopers mester
a limita su mes na un parti chikito di e proceso di hedging, esta
solamente internamente den WEB. Mientras cu e proceso ta
mucho mas amplio, e ta cuminsa n’e team di hedging na WEB,
pero ta envolvi tambe Directiva di WEB, Hunta Comisario
di WEB, Directiva di Utilities, Hunta Comisario di Utilities y
Gobierno, especialmente Mike de Meza y Mike Eman’, según
Evelyn Wever-Croes.
Pero PWC tabata mag di investiga solamente e team di hedging
y e Directiva di WEB, y di e raport a sali cu no ta nan mester carga
responsabilidad. Pesey MEP mester sigi investiga te ora yega
n’esnan responsabel.Tambe PWC a splica cu nan tabata mag
di papia solamente cu esnan cu WEB permiti nan papia cune, y
nan tabata mag di investiga solamente documentonan cu WEB
duna nan. Pues nan mes no por a haci mas investigacion, y
pesey tambe e raport di PWC no ta suficiente profundo.
Un di tres punto sumamente importante ta cu PWC ta bisa cu
nan no por a verifica e informacion financiero cu nan a inclui
den nan raport. Ta con anto Gobierno kier pa Parlamento
forma un opinion? Imposible!Algun tempo pasa un persona a
wordo manda cas, pasobra un recibo di WEB a cay den man di
prensa. Awor cu pueblo ta wordo horta e alivio di 800 miyon
florin, ningun hende ta wordo manda cas? Esaki no por.
MEP tin indicacion fuerte caba cu e responsabelnan ta
Minister Mike de Meza y Prome Minister Mike Eman, y MEP
lo sigi investiga te yega na fondo di e escandalo aki p’asina e
pruebanan bin riba mesa.
Nos kier pa Algemene Rekenkamer haci un investigacion pa
despues determina si nos ta bay pa Ministerio Publico of pa
un Encuesta Parlamentario. Pero en todo caso, e cos aki no ta
keda te aki, lider di MEP Evelyn Wever-Croes a duna di conoce.
