Page 41 - Djabierne 1 yuni 2018.pdf

Djabièrnè 1 Yüni 2018 41

Kontinuashon di pagina 4
Porfin Kòrsou ta bai

garantia pa loke ta bai
sosodé ku e klase trahadó
den e temporada promé ku
31 desèmber 2019 i tambe
despues di e temporada aki.
Debí na hopi insertidumbre
riba posishon di Venezuela/
PDVSA, Kòrsou ke papia di
sistemanan di koperashon
ku partnernan stratégiko
promé i despues di 31
desèmber 2019.
Funshonarionan
venezolano ta habrí pa
diskutí alternativanan ku
partisipashon di PDVSA,
pero mester a haña lus
bèrdè di minister di
energia venezolano. Ta
p’esei e sindikatonan a
reuní direktamente ku
sr. Quevedo, ku a splika
ampliamente maneho
aktual di PDVSA, kaminda
tin márgen sufisiente pa
yega na alternativanan ku
un partner stratégiko tantu
promé i despues di 2019.
Pa por duna kontenido
na esaki, a proponé un
kombersashon entre
funshonarionan di Refineria
di Kòrsou (RdK i PDVSA,
tur esaki den preparashon
pa un akuerdo forma i un
enkuentro entre minister
Quevedo representante
di PDVSA/Venezuela i
promé minister Eugene
Rhuggenaath representante
di RdK/Kòrsou.
P’esei sindikatonan a
apresiá ku e delegashon
di RdK konsistiendo di e
direktor sr. Van Kwartel i sr.
Christiaan mesora tabata
dispuesto pa biaha pa
Venezuela.
Esaki sigur ta un
apertura real pa logra
klaridat den e situashon i
garantisá futuro eksistensia
di Refineria Isla.
Esaki ta e promé stap den
e apertura i sindikatonan ta
keda pendiente i lo sigui
kontribuí komo katalisadó
den e desaroyo aki na
nòmber di trahadónan.
Entre tantu e sindikatonan
ta sigui den deliberashon
ku diferente funshonario
di PDVSA riba sierto
aspektonan práktiko di
Refineria Isla.
Pues esaki sigur ta un
apertura real pa yega na
kosnan konkreto.
Ta di spera ku e
delegashon di RdK lo
por biaha e siman aki
mes mirando ku ainda e
delegashon di sindikatonan
ta na Venezuela i asina
fasilitá nan bishita i reunion
mas lihé posibel.