Page 43 - MIN TTC - MAY 29

lama. Conhuntamente cu Oficina di Turismo, DOW y otro instancia percura pa por cuminsa e proceso di
refresca diferente beach na nos isla. Ta spera cu den e proximo dianan nos dilanti e pilot project lo inicia y
asina den e prome simannan di juni lo por cuminsa wak trabounan wordo realiza.

Minister Oduber a duna di conoce cu Oficina di Turismo desde e aña aki tin un unidad nobo, esun cu ta
percura pa Producto Aruba. “Nos por mercadea nos pais den e mihor forma cu ta posibel, pero tambe
experiencia riba nos isla ta hopi importante”.

Mirando e exito grandi di ATA y e mocion cu tabatin den Parlamento cu ta duna e posibilidad cu si ATA
tin espacio adicional den su finanzas pa por crea algo asina, a conduci na e realizacion di un business plan
y a base di un estudio cu a wordo haci a inclui e unidad di Producto Aruba, cual ta pone atencion riba e
producto. Un di e aspectonan den e cuadro aki cu ta hayando hopi atencion ta nos beachnan a traves di e
Beach Policy cu ta e organizacion riba nos beachnan, infrastructura pa medio di kioskonan pa brinda e
servicio na nos bishitantenan kitando e peso for di banda di hotelnan. Di e forma aki ta habriendo
posiblidad di beachnan nobo manera Surf Side, Arashi y proximamente tambe na Eagle Beach.

E parti den awa tambe ta forma parti di e totalidad di nos beachnan. Tin partinan cu tin hopi piedra y
matanan di lama cu ta imposibilita cu por usa cierto partinan como beach den nos comunidad. Tambe tin
otro partinan manera na Playa Linda, Holiday Inn y Marriott cu e lama a bira hopi sushi, casi bira lodo y
tin biaha ta hole. Esaki ta e partinan cu lo zorg pa atende cu nan y lo refresca e beachnan aki.

Intencion ta cu e prome pilot project lo cuminsa den e area di Surf Side, banda di aeropuerto bay abou te
na Surf Side Marina. Durante e proceso aki lo evalua tur loke ta bay bon y tur loke mester wordo mehora y
despues di esaki lo bay den e area di hotel caminda e problema ta mas grandi.

Mientras tanto Minister Oduber hunto cu su coleganan Schwengle y de Meza lo mira cual ta e
posibilidadnan cu tin pa por hinca den e vergunningnan cu ta wordo otorga cu ta prohibi uso di entre otro
cups di plastic cu ta contamina e awa y beachnan. Esaki en espera di leynan cu mester wordo cambia.

http://www.24ora.com/politica-mainmenu-18/95671-otmar-oduber-diferente-beach-y-lama-na-aruba-
lo-wordo-refresca

Minister Oduber a yama bon bini na participantenan di
MOP
Thursday, 28 May 2015 18:27

Comparti