Page 44 - MIN TTC - MAY 29

Diaranson atardi Minister Otmar Oduber tabatin e placer pa ta presente durante e recepcion di bon bini
di e Havenmeester Overleg y e Maritiem Overleg Platform (MOP) cu ta tumando lugar na nos isla.

E Havenmeester Overleg a tuma lugar diaranson unda cu e havenmeesternan di Corsow, Sint Maarten,
Saba, Sint Eustatius y Aruba a reuni pa wak con por traha mas hunto ainda den futuro. E MOP a cuminsa
diahuebs y ta continua diabierna unda cu e cuatro directornan di Scheepvaart di e partnernan di Reino
Hulandes y Kustwacht Caribe ta discutiendo temanan cu ta regarda asuntonan maritimo di Reino.

E mandatario a indica cu e MOP ta tuma lugar tur aña, cambiando e lugar di encuentro y e aña aki e ta
tumando lugar na Aruba. Aproximadamente 25 miembro di tur e paisnan den Reino ta presente na nos
isla pa atende e asuntonan maritimo di Reino.

Minister Oduber a bisa cu danki na e Twinning project cu a wordo realiza den dos fase a pone cu nos
departamento Maritimo ta riba un nivel internacional y den e cuadro aki a felicta e director Sr. de Coteau
y henter e team na Departamento di Scheepvaart pa loke e departamento aki ta significa awe. E
felicitacion no ta solamente pa e parti di legislacion cu a wordo poni na ordo, pero tambe pa e respet cu tin
pa e departamento aki awendia.

Mas aleu e mandatario a informa cu durante e reunionnan tumando lugar ta bay pone atencion special na
registracion di barconan. Corsow ta haciendo esaki caba y Aruba y Sint Maarten a reuni riba esaki na
momento cu Minister Oduber a bishita su colega Connor na Sint Maarten y punto aki ta riba agenda di
MOP, mirando cu kier hacie un tiki diferente. Aruba kier naturalmente pa tin un harmonia den e leynan
cu tin dentro di henter Reino, pero ta kere si cu tin cierto caracteristicanan di Aruba cu ta diferente y esaki
a wordo constata den e rapport cu a traha Maritiem Toekomst van Aruba mirando e ubicacion cu Aruba
tin. Registracion di barconan por bira definitivamente otro fuente cu ta contribui pa Aruba pone su
nomber riba mapa internacional pa lo cual ta trata navegacion.

http://www.24ora.com/politica-mainmenu-18/95666-minister-oduber-a-yama-bon-bini-na-
participantenan-di-mop

http://noticiacla.com/news/3056

http://noticiacla.com/news/3057