Page 69 - ATA MAY 4,2015

Minister Otmar Oduber a considera di tuma retiro

Saturday, 02 May 2015 16:44

E negosacionnan pa yega na un acuerdo entre Gobierno di Aruba y di Hulanda no a cana sin su
contratiemponan. Prome Minister Mike Eman a pasa un otro test pisa pa contene su Gobernacion, ora cu
por lo menos un miembro di su Gabinete a considera di tuma retiro den caso cu a acepta e acuerdo di
principio di CFT.

Diabierna anochi caba a cuminsa core rumor via red social cu dos Minister a tuma retiro di Gobierno y
despues a bisa cu ta dos Parlamentario. E berdad ta cu ningun hende a tuma retiro, sino mas bien tabatin
hopi reunion, debate y negosacionnan pa yega na un texto den cual e Gobiernonan di Hulanda y Aruba
por biba cune. Mescos cada biaha cu e ekipo Hulandes haci un proposicion di cambio e mester a bay den
su "achterban", mesun situacion tambe tabatin cu e ekipo di negociadonan di Aruba, cu constantemente
mester a check cu Conseho di Minister kico nan ta pensa di cualkier cambio cu nan kier propone of cu
Hulanda a propone. Di acuerdo cu nos informacionnan, ora e prome acuerdo tabata cla, a yama un
reunion urgente di Conseho di Minister Extra Ordinario pa repasa e texto. Pa straño cu e por zona, aunke
cu ta un tema asina importante y delicado, tres Minister a keda sin atende! Den oranan di anochi a sigui
bastante "bay-bin" di cartanan y tabata mustra cu Aruba lo no por a yega na e cambionan desea. Por lo
menos un miembro di Conseho di Minister, Otmar Oduber a expresa cu si e acuerdo keda asina, cu e lo
entrega su retiro mesora. Esey sin duda a percura pa bastante preshon interno den partido y den
Conseho di Minister.

Comentarionan (17)

Mustra/Kita comentarionan

Torino di Lucca

May 03, 2015
2 0 1 .2 2 9 .1 1 8 .1 3 6

Votes: +11

Stop di ganja rabia pa wak si e pueblo ta reacciona. Otmar Oduber ta e kroonprins di Mike Eman mescos cu Tico
Croes tambe tabta kroonprins ora Henny Eman a pega e barco mal pega y a baha na awa. Historia ta ripiti. Asina
famia Eman ta bai caba cu e carera politico di Otmar Oduber.

Pedrito bolpes

May 03, 2015
2 0 1 .2 2 9 .1 2 0 .1 4 3

Votes: +1

hombo bo no a bai aienda
of ta un cos sushi boso tin den mente atrobe
sali prome ku ta laat st oty

Bel-Ray

May 03, 2015
2 0 1 .2 2 9 .4 1 .3 4

Votes: -5

Ta mas cu klaro cu Otmar lo no tuma esaki, esta CFT ta esun cu ta dicidi riba e presupuesto(finansas) di Aruba. Net
awor cu sector Turismo a hanja su forma di genera su mesun entrada pa mercadea, dirigi, cumpli cu gastonan
financiero y planea pa engrandece den futuro, cu CFT lo no sosode mas, tur cos nan(Cft) ta dicidi.