Page 72 - ATA MAY 4,2015

Teamnan femenino di beach volleyball di Aruba competiendo na
e Cazova Beach Volleyball Continental Cup

Sunday, 03 May 2015 12:00

E Weganan pa e “Qualification NORCECA Continental Cup” a cuminsa cu e Torneo Internacional di di
Beach Volleyball organisa pa CAZOVA (Caribbean Zonal Volleyball Association) entre e Paisnan
Caribense cu ta miembro di CAZOVA.
E Paisnan ganador lo bay topa cu e Paisnan ganador di ECVA (Eastern Caribbean Volleyball Association)
y AFECAVOL (Asociacion de Federaciones Centroamericanos de Voleibol). Aruba Volleyball
Association ta miembro di CAZOVA y a selecciona su dos Teamnan Femenina pa competi na e Torneo
aki cu a tuma lugar na Ocho Rios, Jamaica.
Aruba su Teamnan Femenino a wordo forma pa Team I cu e Atletanan Shekeva Jones y Kayla Arends y
Team II cu e Atletanan Afraina Ammerlaan y Shaira Mackay. Pa e Atletanan aki ta
nan prome biaha cu nan ta competi na un Torneo Internacional di Beach Volleyball. Hunto cu e
Atletanan aki a biaha Sra. Charlotte Heemstadt, como e Manager /Coach di e Atletanan.
E dos seleccionnan aki a train duro e ultimo luna aki cu Entrenadornan Irald Phelipa y Elmerlindo
Robles de Medina pa asina nan duna competencia na e otro Paisnan den Caribe. E prome Pais cu Aruba a
enfrenta tawata Guadalupe y akinan Team I di Aruba a perde cu e scorenan di 21-12 y 21-15, mientras cu
Team II a duna bataya fuerte y a perde cu e scorenan
21-19 y 23-21. E di dos Pais cu Aruba a enfrenta tawata Haiti, unda Team I ta perde 2-0 y
Team II 2-1.
Directiva di Aruba Volleyball Association ta felicita e dos Teamnan Femenino di Beach Volleyball pa nan
prestacion na e CAZOVA Continental Cup cu a tuma lugar na Jamaica.

http://www.24ora.com/deporte-mainmenu-7/94720-teamnan-femenino-di-beach-volleyball-di-aruba-competiendo-
na-e-cazova-beach-volleyball-continental-cup