Page 1 - AM201112

November 12, 2020
www.awemainta.com
www.facebook.com/awemainta
noticia@awemainta.com
583-1400

BUNITA TRABAO DI TORTUGA ARUBA,

SALBANDO BIDA DI TORTUGA

TABATA dia 7 di october ultimo Turtugaruba a haya un
yamada di Ocean Faith Watersports,ya cu nan a topa cu un
turtuga den condicion critico y nan lo trece aden na Palm
Beach.
Edith y Richard van der Wal di Turtugaruba mesora a bay
topa nan. E tortuga aki tabata den mal condición.
E tabatin un tumor hopi grandi riba su flipper dilanti y al-
gun tumornan chikito mas. Fuera di esaki e ta parce hin-
cha y no por sambuya bou awa, pasobra tin hopi aire den
su curpa. Sabiendo cu e cuminda principal di un Turtuga
Blanco ta consisti di yerba di lama cu ta crece riba e fondo
di lama, e lo ta fatal si e no por sambuya.
Un grupo di boluntario cu hopi dedicacion (Staff di Veteri-
nary Clinic Wayaca, Shjunam Carolina y famia, Turtuga-
ruba, FPNA) a duna nan aporte pa rehabilita e tortuga cu a
haya e nomber Shelly-Ann.

Poco poco e condicion fisico ta bira mihor y despues di
tres siman e veterinario Stephany Wever a kita e tumornan
exitosamente den un operacion di 2 ora y mei.
Y asina Shelly-Ann riba un brancard a wordo poni bek la-
man. Un indicacion cu e ta sinti bon y asina a bolbe den
laman después di wordo salba y cura na Aruba.