Page 10 - AM201112
P. 10
10 AWEMainta Diahuebs, 12 November 2020
Mariniernan Mericano ta train
hunto cu Hulandesnan na Aruba
UN unidad di exploracion di ‘United States Marine Corps’
ta train e luna aki hunto cu Mariniernan Hulandes na
Aruba. E Mariniernan Hulandes, procedente tanto di Aru-
ba como buseadornan di Hulanda, ta intercambiá entre
otro, conocemento riba tereno di operacionnan amfíbico y
di buseo.
E Militarnan Mericano diasabra ultimo a baha cu un aero-
nave C-17 riba Aeropuerto Reina Beatrix. Nan a train na
diferente localidad (público) na y rond di Mariniers Ka-
zerne Savaneta. Esaki ta tantu bou di awa como riba tera.
Pa motibo di e circunstancianan excelente pa buseo na
Aruba, ta gusta e isla p’esaki keda usá como un drèmpel
pa training. Aki ta posibel pa bou di circunstancianan con-
trolá por haci ehersicionan save.
E Mariniernan Mericano ta procedente di ‘2nd Recon-
naissance Battalion, 2nd Marine Division’ ubicá na Camp
Lejeune (Jacksonville, North Carolina). E Mariniernan
Hulandes ta procedente di 32 Raiding Squadron (Aruba)
y ta train anualmente n’e localidad di training aki di 640
kilometer cuadrá, durante e asina yamá ‘MOUT-training’,
Operacionnan Militar riba Tereno Urbano.
E ehersicio aki na Merca tin e nòmber tambe die ‘Carib-
bean Urban Warrior’. Mariniernan Hulandes y Mericano
ta train hunto pa reforsá e lasonan entre ambos pais.
