Page 12 - solo comb

Pagina 12 Diasabra Maart 21 2015

Polis a duna
asistencia
na muher cu
a cay den
cas

Asistencia di Polis a wordo
pidi diahuebs pa 6:42, na un
cas na Papilon, unda un tal
R.D. a yama warda di Polis
y a bisa cu el’a cay abao
y no por a lanta. E tabata
kier ayudo di polis. Na e
sitio, e homber N. kende ta
miembro di famia, a mustra
Polisnan e muher benta riba
vloer. Dos polis a lante y a
pone riba cama. El’a keda
hopi agradecido y contento.

Ladronnan a
purba drenta

den oficina

Asistencia di Polis a wordo
pidi diahuebs pa 7:15, na
dump na Parkietenbos pa
un kiebro. Na e sitio e muher
W. a bisa cu e ta traha pa
e compania Johnson’s y
mainta ora cu el’a yega, el’a
nota cu ladronnan a kibra
dos candal di e container pa
nan drenta paden.

Tas laga
den auto a
disparce cu
hopi placa

Presencia di Polis a wordo
pidi diahuebs pa 15.00, na
Valero Palm Beach pa un
atraco, loke a resulta di ta
un ladronicia. E homber D.
a bisa cu e ta traha como
bode na Valero. Ora cu
el’a sali pafor, el’a mira
un homber desconoci ta
actua sospechoso banda
di e edificio. El’a laga su tas
riba e stoel na e banda di
chauffeur. El’a bisa cu el’a
mira algun biyete riba vloer
y a duna e homber. Despues
cu el’a bay na su auto, el’a
nota cu e homber a bay cu
su tas, cu 5000 florin.