Page 23 - DESPA

Kitamento di sticker for di un producto por haci e trabao di
Departamento di Salud Publico tiki mas dificil

Tuesday, 11 July 2017 21:58
1

Comparti

Nos a combersa cu Yvette Geerman kende ta hefe di di Dienstwaren, Keuring en Hygienne y el a conta
nos riba algun control den supermercadonan.
Loke a enfoca riba dje ta articulonan cu a expira y cu aparentemente tin stickernan cu ta wordo cambia,
poni riba dje. Kico ta e poder di e departamento, con pa actua den situacionnan asina aki. Na Corsou e
tabata un big news. Na Aruba no a tende mucho di dje. Probablemente e lo ta mesun cos tambe.
Geerman a splica cu controlnan ta tuma luga den supermercadonan, cual ta encera locual cu ta regarda
como departamento conforme ley, ta supervis entre otro e ley di warenverordening. Ora di controla un
supermercado ta wak e parti di higiena e localidad completo y tambe ta controla loke ta productonan cu
ta wordo bendi na consumidor. E productonan cu ta wordo bendi na consumidor, nan tin fecha riba
mayoria di e productonan. Y lo controla a base di e fecha di vencimento riba e productonan.
Pero en berdad ta tuma luga cu stickernan ta wordo cambia for di riba e productonan. Eynan tin parti
dificulta e departamento. Mirando cu ley cu ta e warenverordening no ta regula e parti eynan. Esey no ta
descarta kitamento di sticker por ta castigabel, pasobra tin otro leynan si na Aruba cu lo por actua contra
di dje. Pero e ta un proceso un tiki mas largo. E kitamento di sticker ta tuma luga den algun momento y
ta haci e trabao di e departamento tiki dificil pasobra e no ta regula den ley. Na Corsou y Boneiro si tin e
parti di etiketering cu den nan ley ta regula caba. Nos leynan ta basta anticua. Mester tin un revision. Tin
e ley nobo, warenverordening, cu a cuminsa traha riba dje, pero e no a keda concretisa ainda. Un di e
partinan ta locual ta e landsbesluit etiketering, cu ta hopi importante pa e departamento. E tin atencion
di e departamento, pero den un of otro forma ainda e ley no a keda concretisa. Ta trahando riba dje, tin
conceptonan cu tin riba dje, pero lo bay pone hopi atencion, mirando cu ora ta haci e controlnan, ta nota
cu esey ta keda un knelpunt pa e departamento por actua debidamente, segun Geerman.
Conseho pa cambionan di ley
Yvette Geerman a splica cu e departamento tin un rol den cambiamento di ley. Como departamento abo
ta esun cu ta traha cu e leynan eynan. Ora cu bo ta haci bo iniciativanan, e tin su proceso. E tin su
camindanan pa e cana y hopi biaha e ta dura hopi largo. Prome cu un ley of un cambio di ley sosode, e tin
basta proceso y tin hopi factor cu ta hunga un rol, tin ora cu e leynan su cambio no ta sosode na e mesun
momento.
E parti eynan ta haci’e un tiki fastioso, pasobra e camindanan ta bira mas largo pa e departamento
caminda cu tin leynan cu tin cu haci cambio. E ley cu yama warenverordening yama un rangwet. For di
eynan tin cu saca hopi landsbesluit cu locual ta regarda puntonan di atencion cu por traha riba dje. E ta
duna e espacio eynan. E parti di etiketering ta un di nan cu e departamento di salud publico tin atencion
riba dje. Tin hopi mas, pero e parti di etiketering ta bezig cun’e. Ainda e no ta asina leu pa keda
concretisa, segun Geerman.
Urgencia
E ta hopi urgente, segun Geerman. Pasobra si tin e ley eynan, e ora abo mes como departamento por
tuma mas sancion corectamente cu di manera cu bo consumidor ta bira menos perhudica. E ta bira
menos largo. E ora por tuma accion e mesun momento eynan, mirando cu si e ley ta na vigor. E ta duna e