Page 38 - KPA, 28 April 2015
P. 38
PAGINA 16 DIARIO DIAMARS 28 APRIL 2015
Diadomingo mainta pasa di 6’or Telefonnan di DIARIO 582-6747
Fax 582-8551
Polis arma a detene tres
sospechoso den auto mientras
e di cuater na cas
ORANJESTAD (AAN): Un agente despues di a baha warda
relaciona cu listramento preventivo ta bayendo cas, a dicidi
pa pasa na cerca “Tia Rosa Snack” situa na Pos Chikito pa
come algo. Ora e agente ta na e sitio el a constata e Nissan
Sentra A-5295 color shinishi cual ta pertenece na su miembro
di famia.
E agente a yama central di polis y a reporta esaki. El a wak
tres mucha homber color scur den e Sentra y esun di cuater
ta para na e snack truck pa cumpra cuminda. E agente a dicidi
pa staciona su auto banda di e Sentra y a baha abao y el a saca
su arma di trabao y mik esaki riba e tres mucha hombernan
y a duna nan ordo pa nan baha abao y drumi na suela y e trio
a sigui y cumpli cu e ordo mientras e di cuater sospechoso
conoci como A. Martina a cana bay y ora el a wak su tres
amigonan drumi na suela, e polis tambe a ordena pa e bolbe
pa e tambe bay suela, pero el a nenga pa cumpli y a core bay
direccion noord Sabana Basora.
Abase di descripcion entre otro bisti cu carson largo cu t-shirt
oranje, postura delega, color scur y e lo ta biba na un adres
na Sabana Basora Noord. Mientras patruya di San Nicolas y
Santa Cruz un rato despues a presenta na e lugar y a asisti na
colega.
Locual ta e patruya Santa Cruz nan a bay abase di informe
compila directamente na cas di A.M. situa na Sabana Basora
Noord y nan e cas nan a pita y nan a wordo acerca pa un
señora y nan a puntre si Alexis Martina tey. Y e mama a
contesta cu si y e ta den camber y e mama a drenta paden y a
bolbe su yiu homber y polis confirma e informe suministra di
su descripcion solamente su t-shirt ta soda y finalmente nan
a detene.
Sigur dolor pa un mama cu ta haye ta entrega su yiu apenas
18 aña den man di autoridad. Lucho’s Towing a presenta y a
hiba e Nissan Sentra A-5295 .
Diabierna anochi awor
no tin misa na Dakota
ORANJESTAD (AAN): Parokia Birgen di Fatima na Da-
kota ta informa cu pa diabierna awor 1 di Mei, dia di obre-
ro, lo tin un Santo Sacrificio di misa pa 8’or di mainta.
Anochi 7’or no tin misa. Por fabor tene bon cuenta cu e
cambio aki.
