Page 44 - Extra 2 februari 2018.pdf
P. 44
46 Djabièrnè 2 Febrüari 2018
Otro siman Parlamento
lo tin reunion tur dia
WILLEMSTAD.- E siman
benidero Parlamento di
Kòrsou ta bai tin un periodo
okupá, kaminda tin di
atendé reunionnan tur dia,
tantu reunion públiko komo
di komishon sentral. Tin
reunionnan ku ta nobo, pero
tin otronan ku a kuminsá ku
nan tratamentu kaba pero ku
nan ta bai tin kontinuashon.
Riba e djaluna aki dia
5 di febrüari 2018 for di
10or di mainta lo reanudá e
reunion ku a keda di skòrs
dia 22 di yanüari i ku tabatin
komo punto di agènda:
“Deliberashon ku Minister
di Asuntunan General
i Minister di Desaroyo
Ekonómiko enkuanto e
último desaroyonan rondó di
modernisashon i kontinuidat
di Refineria”.
Riba e mesun djaluna aki
dia 5 di febrüari for di 4or
atardi lo tin reanudashon
di un reunion di komishon
sentral ku a kuminsá for di
dia 26 di yanüari 2018. Den
e reunion ei lo trata e punto
di agènda: “Deliberashon
ku Minister di Finansa
enkuanto Rapòrtnan di
Maneho Finansiero 2017 i
e Rapòrtnan di Ehekushon
2017 di Pais Kòrsou”.
Mas aleu djamars dia
6 di febrüari 2018 for di
10or di mainta lo trata:
“Deliberashon ku Minister
di Asuntunan General
enkuanto e konsekuensianan
di terminashon di
negosiashonnan ku
Guangdong Zhenrong
Energy (GZE) i e komienso
di un proseso nobo awor den
2018 pa futuro di Refineria
di Kòrsou i e Terminal di
Gas i otro aktividatnan na
Bullenbaai.
Djárason dia 7 di febrüari
2018 for di 9or di mainta
lo trata: “Deliberashon
ku representantenan di
‘Activated Power’ enkuanto
presensia di outonan
eléktriko na Kòrsou”.
Djaweps dia 8 di febrüari
2018 for di 9or di mainta
lo trata e punto di agènda:
“Deliberashon ku Minister
di Desaroyo Ekonómiko
i Minister di Salubridat,
Medio Ambiente i Naturalesa
enkuanto protekshon
di nos siudadanonan
eksponé na produktonan
kaduká i diferente otro
iregularidatnan rondó di
salú di nos abitantenan, ku
awe ainda ta tumando lugá”.
Finalmente djabièrnè
Sigui lesa pagina 54
