Page 47 - Extra 2 februari 2018.pdf

Djabièrnè 2 Febrüari 2018 49

Kontinuashon di pagina 18

Korte di apelashon

Hof den su desishon a
bisa ku nan ta di opinion
ku e akusado mester a haña
un kastigu di prizòn mas
haltu.

Segun Hof, korte di
promé instansia a duna
e akusado un veredikto
na su lugá, despues di a
evaluá e sistema apsurdo
i brutal ku e akusado a
aktua kontra e víktima, sin
tene kuenta ku otro.

Mirando esaki, Hof a
bisa den su veredikto ku e
ta uni su mes ku e desishon
di korte di promé instansia.

E tribunal di Hof a
sigui bisa mas aleu, ku
nan ta tuma e akusado
hopi na malu dor di a
kana den públiko durante
un evenementu di tal
magnitut, ku un arma di
kandela harmá den su
poseshon. Segun Hof,
mas ainda e sistema di
agresor ku e akusado a
aktua kontra di e víktima
fo’i prinsipio, sin ningun
motibu i sin ta konos’é.

Hof mas aleu a duna di
konosé den su veredikto
ku Osorio durante di e
bringamentu ku e amigu di
Ogenia, a menas’é i a saka
su arma tira 3 bia dirigí
riba e víktima i kousa su
morto ku e konsekuensia
fatal. Hof a bisa ku esaki
tabata un kaso di asesinato
di e kategoria hopi pisá i
kasi premeditá.

Segun Hof, e sistema
kon e akusado a kita bida
di e víktima ku tabata asina
hóben tabata “askeroso”.

Na Hof su opinion,
e akusado a base di su
aktitut i e motibunan ku
el a trese dilanti durante
e kaso, no por a trese
aklarashon dikon el a
kometé e akto sin motibu
aki i tampoko no por a
konvensé e tribunal ku e
tabatin duele òf ta lamentá
e loke el a hasi, pero a wak
pa su so.