Page 5 - Extra 2 februari 2018.pdf

Djabièrnè 2 Febrüari 2018 5

Minister Kenneth Gijsbertha

‘Nos no ta bai eliminá
enseñansa liber,

pero kambia e maneho’

Esnan ku por kontribuí, tin ku kontribuí

WILLEMSTAD.- ‘Nos no bira e areglo nobo. Na e
ta bai eliminá enseñansa momentu ei lo ta konosí
liber.’ Asina Minister di ken tin ku yuda kontribuí
Finansa Kenneth Gijsbertha na enseñansa di su yu,
a splika ayera durante Gijsbertha a splika.
konferensia di prensa
di Konseho di Minister.
Gijsbertha a splika ‘ku
gobièrnu a tuma diferente
akshon pa garantisá ku
gobièrnu por frena su
gastunan pa mantené e
presupuesto den un forma
ekilibrá. Un di e akshonnan
ta tokante enseñansa. Pero
nos tin ku pone esaki den un
konteksto korekto, pasobra
den diferente medio di
komunikashon el a wòrdu
interpretá no kompletu
korekto kaba.’

Gijsbertha a splika ku den
kuadro di enseñansa liber lo
tin kambio di maneho, ku
ta un ‘beleidsombuiging’.
‘Minister di Enseñansa
Marilyn Alcalá-Wallé ta
esun ku por duna tur
detaye tokante enseñansa,
pero ami komo minister di
Finansa por splika ku no
ta asina ku ta bai eliminá
enseñansa liber. Den kuadro
di kambio di maneho nos
ta bisa ku tur hende den
komunidat mester kontribuí
konforme nan forsa. Ta
nifiká ku nos ta garantisá
ku tur mucha ta bai skol,
ku ta un obligashon ankrá
den nos konstitushon. Esei
ta nifiká ku e mayor ku no
tin trabou òf mayor ku tin
un entrada abou ta haña
e parti liber, ku ta nifiká
ku no ta paga pa bukinan
durante e periodo ku su
yunan ta na skol. Awor e ta
konta pa e mayornan ku tin
bon entrada tambe. Nos ta
bisa awor ku pa e mayornan
ku tin sufisiente entrada
nan tin ku kontribuí na
desaroyo di nan propio yu i
paga pa esei. I na otro banda
gobièrnu ta ‘take care’ di
esnan ku te na e nivel ku
berdaderamente tin mester
e sosten pa yuda kubri e
gastu di nan yu, òf yunan,
na skol.’

Gijsbertha: ‘Ke men no ta
eliminá òf kita enseñansa
liber. Pero ta un kambio di
maneho ku ta na kaminda
ku esnan ku por paga tin
ku kontribuí.’ Gijsbertha a
splika ku pa e aña di skol
nobo, ku ta kuminsá den
ougùstùs 2018, esaki ta