Page 50 - ARUBA BANK

38 Djabièrnè 6 Aprel 2018
Preisnan pa konsumidó na Kòrsou
Nivel di preis promedio 0,1% mas

haltu kompará ku yanüari 2018

WILLEMSTAD.- Central
Bureau of Statistics Curaçao
(CBS) a informá di e desaroyo
di preisnan pa konsumidó pa
luna di febrüari. Tabatin un
inflashon di 1,6% ora kompará
preis di yanüari ku febrüari.
E sifra índise di preis pa
konsumidó (CPI, “Consumer
Price Index”) di Kòrsou a
subi ku 0,1 porshento na
luna di febrüari 2018, esta
di 127,1 na yanüari 2018 pa
127,2 na febrüari 2018. E
kambionan di preis spesífiko
ku mas a sobresalí durante
febrüari 2018 ta ku na un
banda “gas pa kushiná”
(+10%) i “batata, berdura
i fruta” (+6%) a bira mas
karu, miéntras na otro banda
tarifa di elektrisidat (-6%) a
disminuí. E CPI di febrüari
2018 (127,2) ta 1,3 porshento
mas haltu ku e CPI di febrüari
2017, na kual momentu un
CPI di 125,6 a wòrdu midí. E
sifra aki (1,3%) ta indiká ku e
nivel di preis pa konsumidó
durante luna di febrüari 2018
ta 1,3 porshento mas haltu
kompará ku luna di febrüari
2017. Desaroyo di preis riba
término largu: inflashon
yanüari 2018 Inflashon ta
reflehá pèrdida di balor di sèn,
pues di forsa di kompra, dor
di subida di preis di produkto
i servisio pa e konsumidó riba
término largu (usualmente
12 luna). E sifra di inflashon
pues ta duna un indikashon
di e subida promedio di
kosto di bida, i p’esei ta
wòrdu rekomendá komo
instrumento pa indeksashon
di salario, penshun,
ònderstant/ benefisio sosial,
suèldu mínimo i otro entrada.
Inflashon den un sierto
luna ta wòrdu kalkulá dor
di komparashon di e CPI
promedio di 12 luna den
e luna konserní ku e CPI
Sigui lesa pagina 43