Page 9 - BNDIA ARUBA

A9
REINO Diaranson 19 Juli 2017

Marsche Social Economico-Beth

WILLEMSTAD – Min-
isterio di Desaroyo Eco-
nomico (MEO) ya pa tres
(3) luna consecutivo a bin
ta organisa un Marshe
Social Economico titula
BETH.

BETH ta para pa producto
Barata, desaroyo Economico,
desaroyo Turistico y Habri
cuponan di trabou.

For di april di e aña aki MEO
a bin ta organisa e marshe aki
tur prome diasabra di luna
riba Plasa Brion. Dia 8 di
juli ultimo e marshe a carga
e topico di patriotismo y a
conta cu un total di 240 par-
ticipante.

E meta principal cu cual
MEO ta organisa e marshe
aki ta pa nos hendenan bende
of expone nan productonan
local y di e manera aki apor-
ta cu den futuro nan lo por
habri nan propio empresa,
trece mas bida den nos cen-
tro di ciudad y ta e deseo pa
cu tempo e marshe bira un
atraccion turistico.

Den cuadro di esaki MEO ta
invita un y tur cu ta traha su
mes productonan local y cu
ta aspira pa den futuro lanta
su mes empresa cu esakinan,
pa inscribi y tuma parti na e
siguiente edicion di BETH
cual lo tuma luga dia 5 di
augustus y lo carga e tema
di educacion. Te cu decem-
ber di e aña aki e marshe lo
ta den un fase piloto di moda
cu MEO por midi e nece-
sidad pa iniciativanan similar
memey di nos comunidad.

Mirando esaki, participacion
na e marshe lo ta comple-
tamente gratis y liber di
exigencia pa permitnan eco-
nomico te cu december.