Page 100 - MIN VOS 23 SEPT 2015

Mervin Wyatt-Ras: Diabierna Fraccion di Avp a pidi otro schorsing pa
Minister

Tuesday, 22 September 2015 19:03

Comparti

Diabierna ultimo durante reunion publico tratando renobacion y ampliacion di Hospital dr. Horacio
Oduber, Minister di Salud, dr. Schwengle, a cuminsa na duna un splicasion breve di e sondeo cu ela haci
serca Raad van Bestuur y Raad van Toezicht di Hospital, esaki ariba peticion di Parlamento.

E peticion aki a ser tresi padilanti durante e ultimo reunion publico dia 26 di februari di e aña aki den cual
minister a informa Parlamento cu lo mester amplia e salanan di operacion, locual lo tin su costonan y no
tabata den planning anteriormente. Ki ora y con e decision aki a ser tuma no tabata cla pa Parlamento y
pa es motibo ey a urgi minister pa busca claridad den esaki. Lamentable tabata manera minister mes a
indica den su carta na Parlamento, fecha dia 24 di juli di e aña aki cu Raad van Toezicht no a contesta e
preguntanan di minister. Parlamentario Wyatt-Ras ta trese padilanti cu renobacion y ampliacion di nos
Hospital ta necesario. Ken cu cana den Hospital ta constata cu su estado fysico ta deteriorando y cu lo
mester haci algo pa mehora esaki. Despues di minister su presentacion fraccion di AVP a pidi un
schorsing cu a ser aproba dor di parlamento pa minister por busca mas informacion concreto encuanto e
decision pa construi y renoba salanan di operacion. Aki manera minister mes a indica e mester busca
entre otro kende a haci e error aki y ki ta e consecuencianan. A urgi minister pa duna contesta na
Parlamento dentro di 2 siman y minister mes a indica cu e lo mester 4 siman promer cu e por presenta
mas informacion na Parlamento. Locual ta straña Wyatt-Ras ta Mep ta djies a keda bisa cu e proyecto ta
uno corupto sin bin cu pruebanan of bai Ministerio Publico pa duna keho, mientras nan no a ni bin cu
mucho pregunta pa e minister por contesta. Keda ripiti algo y spera cu e gara ta e forma anticua di haci
politica. Ta parse cu nan no ni a lesa e carta cu stukken cu minister a manda Parlamento paso nan no a
haci pregunta ariba esakinan. Wyatt-Ras a tuma nota alavez di declaracion di fraccion di Mep den prensa,
kendenan por cierto e dianan a bolbe aparece na reunion, despues di simannan cobrando placa di pueblo
sin traha, y cu awor diripente kier haci Imsan un hospital mientras cu henter ora nan ta keha cu no tin
placa, tin mega debe y cu ta contra di tur cos. Wyatt-Ras ta contento si di tende cu despues di un anja cu
comision di Salud a bishita Imsan, unda Mep a briya cu su ausencia, awor nan a core bai Imsan y awor
diripente si nan ta di acuerdo pa haci Imsan un centro oncologico. Wyatt-Ras ta bisa cu e ta contento cu
porfin Evelyn su wowo a habri y ta mira cu Imsan por bira un centro oncologico. Ariba pregunta di
miembro di prensa si ta realistico cu Mep ta bisa cu Imsan lo mester bira Hospital, Wyatt-Ras ta contesta
cu e facilidad tin espacio unda por haci cierto operacionnan, p.e. do wowo y ta brinda opvang policlinico.
Pa e por bira un Hospital ta necesario basta inversion. Cu e por bira un centro oncologico si ta e
posibilidad cu mester traha ariba dje. Pero Evelyn cu ta populista y den desesperacion ta purba ganja
pueblo keriendo cu nos hendenan ta bobo, pero nos hendenan ta culto y critico. Paso di un banda e senora
aki cu kier ser reeligi den su partido, ta keha di mega debe y bisa cu tur cos ta medida y diripente bisa cu e
kier hospital tur parti di Aruba. Wyatt-Ras ta haya cu Imsan den e proceso di renobacion di hospital lo
por bai haci cierto operacionnan y a lo largo desaroya e instito aki na un centro oncologico den
cooperacion cu Baptist Health di Florida. Sigur a lo largo por logra mas pa e centro aki pa nos pueblo di
pariba. Segun Wyatt-Ras malesanan chronico, bao di cual cancer presion halto y problemanan
cardiovascular, ta aumentano y nos tin cu keda inverti den prevencion, banda di combati e malesanan aki.
E hecho cu Evelyn kier traha edificio tur caminda na Aruba no ta cuadra cu realidad. Mundialmente y na
Aruba ta dirigi aribe e cuido di eerste lijn. Patientnan tin cu ser yuda dor di dokternan di cas y nan
asistenenan pa por preveni comienso y avanze di malesanan chronico